ഇംഗ്ലീഷ് സ്പെല്ലിങ്ങ് തെറ്റായി എഴുതിയ മന്ത്രി കുടുങ്ങി

കുട്ടികളെ പഠിപ്പിക്കാനെത്തി മന്ത്രി കുടുങ്ങി. എലിഫെന്‍റ് എന്ന ഇംഗ്ലീഷ് സ്പെല്ലിങ്ങ് തെറ്റായി എഴുതിയാണ് ഗുജറാത്തിൽ നിന്നുള്ള മന്ത്രി നാണംകെട്ടത്. ഗുജറാത്ത് രന്ധൻപൂ‍ർ മണ്ഡലത്തിൽ നിന്നുള്ള ബിജെപി എംഎൽഎ ആയ ശങ്കർ ചൗധരിയാണ് സ്കൂളിൽ പഠിപ്പിക്കാനെത്തി ഇളിഭ്യനായത്. നിലവിൽ ഗുജറാത്ത് സർക്കാരിലെ അർബൻ ഹൗസിങ്ങ് മന്ത്രിയാണ് എംബിഎ ബിരുദധാരിയായ ഇദ്ദേഹം. ബോർഡിൽ സ്പെല്ലിങ്ങ് എഴുതിയ അതിന്‍റെ അർത്ഥം കുട്ടികളോട് ചോദിച്ചു. എലിഫെന്‍റ് എന്നതിന്‍റെ സ്പെല്ലിങ്ങ് തെറ്റായാണ് ബോ‍ർഡിൽ മന്ത്രി എഴുതിയത്. സംഭവത്തിന്‍റെ വീഡിയോ ദൃശ്യങ്ങൾ ഫേസ്ബുക്കിൽ വൈറലാവുകയാണ്.