ചെന്നൈ-ബെംഗലൂരു യാത്രക്ക് ഇനി വെറും 30മിനിറ്റ്!!

ചെന്നൈ: ഇത് വെറും ഭാവനയോ വീഡിയോ ഗെയിമോ അല്ല. ചെന്നൈയിൽ നിന്ന് 30 മിനിറ്റിനുള്ളില്‍ ബെംഗലൂരുവിലെത്തുക എന്ന സ്വപ്നതുല്യമായ പദ്ധതി യാഥാര്‍ഥ്യമാക്കാന്‍ ഒരുങ്ങുകയാണ് അമേരിക്കന്‍ കമ്പനിയായ ഹൈപ്പർലൂപ്പ്. 1200 കിലോമീറ്റർ വേഗതയിൽ പ്രത്യേകം നിർമിച്ച തുരങ്കത്തിലൂടെ അതിവേഗം പായുന്ന ട്രെയിനാണ് ഹൈപ്പർലൂപ്പ് നിര്‍മിക്കാന്‍ ഒരുങ്ങുന്നത്.

ചെന്നൈ - ബെംഗലൂരു, ചെന്നൈ - മുംബൈ, ബെംഗലൂരു - തിരുവനന്തപുരം,മുംബൈ - ഡൽഹി എന്നിവയാണ് കമ്പനി താൽപര്യം പ്രകടിപ്പിച്ച റൂട്ടുകൾ. ഇത് സംബന്ധിച്ച കത്ത് ഹൈപ്പർലൂപ് കമ്പനി കേന്ദ്ര ഗതാഗത മന്ത്രാലയത്തിന് കൈമാറി. ട്രെയിനുകളുടെ മുകളിൽ സോളാർ പാനലുകളും റെയിൽ പാതക്കായി സ്ഥാപിക്കുന്ന തൂണുകളിൽ വിൻഡ് മില്ലുകളും സ്ഥാപിക്കാനാണ് പദ്ധതി. സൗരോർജ്ജ പാനലുകളിൽ നിന്നും വിൻഡ് മില്ലുകളിൽ നിന്നും ട്രെയിൻ ഓടുന്നതിന് ആവശ്യമായ ഊർജം ലഭിക്കുമെന്നാണ് കമ്പനി അവകാശപ്പെടുന്നത്.

ഇത് മൊത്തം ചെലവ് കുറക്കാൻ സഹായകമാകും. ട്രെയിന്‍ യാത്രക്ക് ബസ് ടിക്കറ്റിന്‍റെ നിരക്ക് മാത്രമേ കമ്പനി ഈടാക്കൂ എന്ന് ഹൈപ്പർലൂപിന്‍റെ വെബ്‍സൈറ്റില്‍ പറയുന്നു. ഒരു കിലോമീറ്റർ ദൂരം റെയിൽ പദ്ധതിയുടെ പണി പൂര്‍ത്തിയാക്കാൻ 300 കോടി വേണമെന്നാണ് കണക്ക്. എന്നാൽ വെറും 72 കോടി രൂപക്ക് പണി പൂർത്തിയാക്കാൻ സാധിക്കുമെന്ന് ഹൈപ്പർലൂപ് അവകാശപ്പെടുന്നു.

Chennai to Bengaluru: Travel by land faster than by air

Hyperloop, an American company has shown their interest in different rail routes in India. They claim half an hour journey is possible between Chennai and Bengaluru.