പച്ചക്കടലായി ക്വിങ്ഡാവോ നഗരം; സന്ദർശകരുടെ തിരക്കും

ചൈനയിലെ ക്വിങ്‍ഡാവോ നഗരത്തിൽ ഇപ്പോൾ പച്ചക്കടലാണുള്ളത്. അതിനാൽ തന്നെ സന്ദർശകർ നിരവധി എത്തുന്നുമുണ്ട്. സീ ലെറ്റ്യൂസ് എന്ന ഒരു തരം പച്ച കടൽ ആല്‍ഗകള്‍ ഇവിടെ കടൽ തീരങ്ങളിൽ നിറഞ്ഞിരിക്കുകയാണ്. മഗ്നീഷ്യവും മറ്റ് പോഷകങ്ങളും അടങ്ങിയിട്ടുള്ള കടൽ സസ്യമാണിത്. ഒപ്പം രക്തസമ്മർ‍ദ്ദം കുറയ്ക്കാനും ച‍ര്‍മ്മാരോഗ്യത്തിനും ഉത്തമം. അതിനാൽ തന്നെ ജനങ്ങളിത് ആഘോഷമാക്കുകയാണ്. ഇതിൽ കിടന്നും ദേഹത്ത് തേച്ചുമൊക്കെയാണ് ആഘോഷം. മാത്രമല്ല ഇത് ഭക്ഷ്യയോഗ്യവുമാണ്.




പക്ഷേ ഇതിലെ അപകടം തിരിച്ചറിഞ്ഞതോടെ സർക്കാർ കുഴങ്ങി. ഇത് അഴുകി കഴിഞ്ഞാൽ ഹൈഡ്രജൻ സള്‍ഫൈഡ് എന്ന വിഷവാതകം ഉത്പാദിപ്പിക്കും. ഇത് മരണകാരണംവരെയാകുമെന്നറിഞ്ഞതോടെ ഇത് എത്രയും വേഗം നീക്കം ചെയ്യണമെന്ന അഭിപ്രായമുയർന്നിരിക്കുകയാണ്. ഇക്കാരണത്താൽ ഒരോ ദിവസവും അധികൃതർ ഇത് നീക്കം ചെയ്യുകയാണ്. അഴുകാൻ അനുവദിക്കാതെ പുതിയ ആൽഗകളെ വരവേറ്റുകൊണ്ട്.





കടപ്പാട്-പീപ്പിൾസ് ഡെയ്ലി