ജനപിന്തുണ തേടി മുഖ്യമന്ത്രിയുടെ പുതിയ ഫേസ്ബുക്ക് പേജ്

തിരുവനന്തപുരം: പൊതുജനങ്ങളുമായി സംവദിക്കാന്‍ മുഖ്യമന്ത്രിക്ക് പുതിയ ഫെയ്‌സ്ബുക്ക് പേജ്. ഗവണ്‍മെന്റിന്റെ പ്രവര്‍ത്തനം സംബന്ധിച്ച കാര്യങ്ങള്‍ അറിയുവാനും നിങ്ങളുടെ വിലയേറിയ അഭിപ്രായനിര്‍ദ്ദേശങ്ങളും വിമര്‍ശനങ്ങളും അറിയിക്കുവാനുമുള്ള ഇടം കൂടിയാണിതെന്നും പിണറായി വിജയന്‍ പുതിയ ഫെയ്‌സ്ബുക്കിലൂടെ അറിയിച്ചു.


എല്ലാ പ്രവര്‍ത്തനങ്ങളിലും ജനങ്ങളുടെ പിന്തുണയും സഹകരണവുമാണ് ഈ സര്‍ക്കാരിന്റെ കരുത്ത്. കഴിഞ്ഞ ഒരു മാസക്കാലത്തെ പ്രവര്‍ത്തനത്തിന്റെ ഭാഗമായി എടുത്ത പ്രധാന തീരുമാനങ്ങള്‍ അക്കമിട്ടു അവതരിപ്പിച്ചിട്ടുണ്ട്. നേരത്തെ മുഖ്യമന്ത്രി മാധ്യമങ്ങളെ അവഗണിക്കുന്നതിനെ പ്രതിപക്ഷ നേതാവ് രമേശ് ചെന്നിത്തല വിമര്‍ശിച്ചിരുന്നു. നരേന്ദ്ര മോദി മാധ്യമങ്ങളോട് സ്വീകരിക്കുന്ന സമീപനമാണ് പിണറായി വിജയന്റേതെന്നാണ് അദ്ദേഹം പറഞ്ഞത്.