പിണറായിയെ കൊല്ലാന്‍ ഞാന്‍ വരുന്നു, ഫേസ്ബുക്ക് ലൈവില്‍ ആര്‍ എസ് എസുകാരന്‍

പിണറായിയെ കൊല്ലാന്‍ താന്‍ കേരളത്തിലേയ്ക്ക് വരുന്നുവെന്ന് പറഞ്ഞ് ഗള്‍ഫില്‍ ജോലിയെടുക്കുന്ന ആര്‍ എസ് എസുകാരന്‍റെ ഫേസ്ബുക്ക് പോസ്റ്റ്‌. കൃഷ്ണകുമാരന്‍ നായര്‍ എന്നയാളാണ് ഈ പോസ്റ്റ്‌ ഇട്ടിരിക്കുന്നത്.

പിണറായിയെ വായില്‍ വരുന്ന തെറി മുഴുവന്‍ ഇയാള്‍ വിളിക്കുന്നുണ്ട്. ഇടക്കിടക്ക് സംസാരം മുറി ഹിന്ദിയിലേയ്ക്കും മാറുന്നുണ്ട്. പഴയ ഒരു ആര്‍ എസ് എസുകാരനായിരുന്നു എന്ന് പറഞ്ഞാണ് ഇയാള്‍ ലൈവ് തുടങ്ങുന്നത്. ദുബായിലെ ജോലിയെല്ലാം റിസൈന്‍ ചെയ്ത് നാട്ടിലേയ്ക്ക് വരികയാണ്. വീണ്ടും പഴയ കത്തി തേച്ചു മിനുക്കി എടുക്കുകയാണ് ഉദ്ദേശം. എന്‍റെ ജീവിതം എങ്ങനെ പോയാലും എനിക്ക് കുഴപ്പമില്ല.

സി പി ഐ എമ്മിനെതിരെ സമൂഹ മാധ്യമങ്ങള്‍ വഴി വ്യാജ വാര്‍ത്ത പ്രചരിപ്പിച്ച യുവ മോര്‍ച്ച നേതാവ് ലസിത പാലക്കലിനെതിരെ ധര്‍മ്മടം പോലീസ് കേസ് എടുത്തതാണ് ഇയാളെ പ്രകോപിപ്പിച്ചത്. പിണറായിയുടെ ഭാര്യയെയും മകളെയും ബലാല്‍സംഗം ചെയ്യുമെന്നും ഇയാള്‍ ഈ വീഡിയോയില്‍ ഭീഷണി മുഴക്കുന്നുണ്ട്.

പിണറായിക്കെതിരെ ജാതീയമായ അധിക്ഷേപവും ഇയാള്‍ നടത്തുന്നുണ്ട്. കള്ളു ചെത്താന്‍ പോവാനാണ് ഇയാളുടെ ഉപദേശം. പിണറായിക്ക് സ്വന്തം അച്ഛന്‍ ആരാണ് എന്നറിയില്ലെന്നും ഇയാള്‍ പറയുന്നു. തനിക്ക് മാസശമ്പളം രണ്ടു ലക്ഷം രൂപയുണ്ട് എന്നും ഇയാള്‍ ഈ വീഡിയോയില്‍ പറയുന്നുണ്ട്. കാര്യങ്ങള്‍ ഒക്കെ ശരിയായി നടപ്പിലാക്കാന്‍ ആര്‍ എസ് എസുകാര്‍ തന്നെ സഹായിക്കണം എന്നും ഇയാള്‍ പറയുന്നു

ഇതുവരെ നിരവധി ആളുകള്‍ ആണ് ഈ വീഡിയോ കണ്ടു കഴിഞ്ഞത്. താഴെ കമന്റ് ബോക്സില്‍ പിണറായി ആരാധകര്‍ ഇയാളെ തിരിച്ചു തെറി പറയുന്നതും കാണാം.