കൂട്ടബലാൽസംഗം; കൗണ്‍സിലറുടെ പോസ്റ്റും കുത്തിപ്പൊക്കി

തൃശൂരിൽ പീഡിപ്പിക്കപ്പെട്ടുവെന്ന യുവതിയുടെ പരാതിയില്‍ കുറ്റാരോപിതനായ സിപിഐ(എം) വടക്കാഞ്ചേരി നഗരസഭാ കൗണ്‍സിലര്‍ പിഎന്‍ ജയന്തന്റെ ഫേസ്ബുക്ക് പോസ്റ്റ്‌ വൈറലാകുന്നു. ജിഷ വധക്കേസിലെ പ്രതിയെ പിടികൂടിയ സമയത്ത് ആഭ്യന്തരവകുപ്പ് കൈകാര്യം ചെയ്യുന്ന മുഖ്യമന്ത്രി പിണറായി വിജയനെ വാഴ്ത്തിയുള്ള പോസ്റ്റ് ആണ് ഇപ്പോള്‍ വൈറലായിരിക്കുന്നത്.

'ആണായി പിറന്നവരുടെ കയ്യില്‍ ആഭ്യന്തരം കിട്ടിയാല്‍ പ്രതി ആസാമിയായാലും പിടിച്ചിരിക്കും' എന്ന അടിക്കുറിപ്പോടെ പിണറായിയെ കെട്ടിപിടിച്ച് കരയുന്ന ജിഷയുടെ അമ്മയുടെ ചിത്രസഹിതം മറ്റാരോ ഇട്ട പോസ്റ്റിന്റെ സ്‌ക്രീന്‍ഷോട്ട് ആയിരുന്നു ജയന്തന്റെ ഫെയ്‌സ്ബുക്ക് പോസ്റ്റ്. കഴിഞ്ഞ ജൂണ്‍ 21നാണ് ഈ പോസ്റ്റ് ഇട്ടിരുന്നത്. 'കാലത്തിന് മുന്നേ സഞ്ചരിച്ച പോസ്റ്റ്' എന്നാണ് ചിലരുടെ വിമര്‍ശനം. 'അറസ്റ്റ് ചെയ്യാന്‍ പിണറായിയുടെ പൊലീസ് വരുന്നുണ്ട്' എന്ന് ഓര്‍മ്മിപ്പിച്ച് പോസ്റ്റ് കുത്തിപ്പൊക്കിയിരിക്കുയാണ് ചില‍ർ.