സിഗരറ്റ് കുറ്റികൾ ശേഖരിക്കുന്ന കാക്കകൾക്ക് പ്രതിഫലം കിട്ടുന്ന ഒരിടം...!!!

സിഗരറ്റ് കുറ്റികൾ ശേഖരിക്കുന്ന കാക്കകൾക്ക് പ്രതിഫലം നൽകി ഒരു സ്റ്റാര്‍ട്ട് അപ്പ്. ചിരിച്ചുതള്ളാൻ വരട്ടെ, സംഭവം അക്ഷരം പ്രതി സത്യമാണ്. എവിടെയാണെന്നല്ലേ സംഗതി ഇപ്പോൾ അൽപം ദൂരെയാണെങ്കിലും താമസിയാതെ നമുക്കടുത്ത് എത്തിയേക്കും എന്ന് വേണം പറയാൻ. സിഗരറ്റ് സമൂഹത്തിനുണ്ടാക്കുന്ന ദൂഷ്യഫലങ്ങളെ കുറിച്ച് മറ്റാരും പറയാതെ തന്നെ നമുക്കറിയാം. മനുഷ്യ ശരീരത്തിന് സിഗരറ്റുണ്ടാക്കുന്ന അപകടം ചില്ലറയൊന്നുമല്ലെന്ന് ഇനി പ്രത്യേകം പറയേണ്ടതായില്ലല്ലോ.

നാമുൾപ്പെടുന്ന തലമുറകൾ കാലങ്ങളായി ജീവിച്ച് വന്നിരുന്ന ഈ ലോകത്തെ അത് വൻ നശീകരണത്തിലേക്ക് തന്നെയാണ് തള്ളിവിടുന്നതെന്ന് ആരും ഓര്‍ക്കുന്നേയില്ല. ഈ അവസരത്തിൽ ഡച്ചാണ് അന്തരീക്ഷ മലിനീകരണത്തിനെതിരെ ഇത്തരത്തിലൊരു അസാമാന്യ പ്രവൃത്തിയുമായി രംഗത്തെത്തിയിരിക്കുന്നത്.



ആൾത്തിരക്കുള്ള പ്രമുഖമായ നഗരങ്ങളിലാണ് 'പ്രഗത്ഭ' കാക്കകളുടെ സേവനം ഇപ്പോൾ കിട്ടി വരുന്നത്. കാക്കകൾക്ക് ഇതിനായി ആദ്യം പരിശീലനം നൽകുകയാണ് ആദ്യം ചെയ്തത്. അവരുടെ വിനോദവേളകളിൽ ഇത്തരം പരിശീലനങ്ങളിൽ അവര്‍ അറിയാതെ തന്നെ പങ്കാളികളാകുകയായിരുന്നു. നഗരത്തിലും തെരുവിലും പാര്‍ക്കുകളിലുമെല്ലാം അലസമായി വലിച്ചെറിയപ്പെടുന്ന സിഗരറ്റ്കുറ്റികൾ മനസിലാക്കാനാണ് ഇവരെ പിന്നീട് പരിശീലിപ്പിച്ചത്.

ഇങ്ങനെ കണ്ടെടുക്കുന്ന സിഗരറ്റ് കുറ്റികൾ 'ക്രോബാര്‍' എന്ന് പേരിട്ടിരിക്കുന്ന വസ്തുവിൽ നിക്ഷേപിക്കണം.അവ ആ വസ്തുവിനെ സ്കാൻ ചെയ്ത ശേഷം സിഗരറ്റ് കുറ്റിയാണെന്ന് ബോധ്യപ്പെട്ടാൽ കാക്കകൾക്കുള്ള ഭക്ഷണം ക്രോബാര്‍ നൽകും. ഈ പ്രതിഫല സിസ്റ്റം ഒരുവിധത്തിൽ കാക്കകൾക്കിടയിൽ ആശയവിനിമയ വസ്തുവായി മാറും. ഒരിക്കൽ ഒരു കാക്കയ്ക്ക ഇവിടെ നിന്ന് ഭക്ഷണം കിട്ടിയാൽ അവ കൂട്ടത്തിലുള്ള മറ്റുള്ളവരെയും കാര്യങ്ങൾ കൃത്യമായി ബോധ്യപ്പെടുത്തും.




ഇന്ന് മിക്ക രാജ്യങ്ങളിലും സര്‍വ്വവ്യാപകമായ ഒരു വസ്തുവാണ് സിഗരറ്റ് കുറ്റികൾ. അജീര്‍ണ്ണമായ ഇത്തരം മാലിന്യങ്ങൾ നമ്മുടെ സമൂഹത്തിന് വരുത്തിവെയ്ക്കുന്ന വിപത്തുകൾ ചെറുതല്ല. അത്തരം വിപത്തുകളെ തങ്ങളാൽ കഴിയുന്ന വിധത്തിൽ പ്രകൃതിജീവികളുടെ സഹകരണത്തോടെ തടയുകയാണ് ചെയ്യുന്നത്. ഈ നന്മപ്രവൃത്തി ലോകമെമ്പാടും ഏറ്റെടുക്കുമോ എന്നാണ് ഇപ്പോൾ ഇതിന് ചുക്കാൻ പിടിച്ച സ്റ്റാർട്ടപ്പ് കമ്പനി ഉറ്റു നോക്കുന്നത്.

Crows to collect cigarette butts for reward

Crows to collect cigarette butts for reward; Crowded Cities teaches crows to collect cigarette butts