ന്യൂഡല്ഹി: ബാലവേല നടത്തിയെന്ന് തെളിഞ്ഞ പ്രതികളോട് പരിഹാരമായി 100 മരത്തൈകള് നടാന് ഡല്ഹി ഹൈക്കോടതി. 1.5 ലക്ഷംരൂപ പിഴയും അടയ്ക്കണം. വീട്ടുജോലിക്ക് ബാലികയെ നിര്ത്തി എന്ന കുറ്റത്തിനാണ് ശിക്ഷ. കുറ്റകൃത്യത്തിന് കൂട്ടുനിന്ന ഏജന്റുമാരായ രണ്ടുപേരോട് മുഖ്യപ്രതികള് നടുന്ന മരത്തൈകള് പരപാലിക്കണമെന്നും കോടതി ആവശ്യപ്പെട്ടു. ദമ്പതികള്ക്ക് 1.5 ലക്ഷംരൂപയ്ക്കൊപ്പം ഏജന്റുമാര്ക്ക് 10,000 രൂപയും കോടതി പിഴശിക്ഷ നല്കിയിട്ടുണ്ട്. ഈ പണം ബാലികയ്ക്ക് നല്കണം.
ചെയ്ത തെറ്റിന് പകരമായി സാമൂഹികമായ സേവനം നടത്താമെന്ന പ്രതികളുടെ അപേക്ഷ പരിഗണിച്ചാണ് കോടതി മരത്തൈകള് നടാന് നിര്ദേശിച്ചത്. ഡല്ഹി ഫോറസ്റ്റ് ഡെപ്യൂട്ടി കണ്സര്വേറ്റര്ക്കാണ് ഇവര് ഏറ്റെടുക്കുന്ന ദൗത്യത്തിന്റെ ഉത്തരവാദിത്തം. പത്ത് ദിവസങ്ങള്ക്കുള്ളില് ഇവര് തൈകള് നടണം. മൂന്നര വര്ഷം പ്രായമുള്ള ആറ് അടിയെങ്കിലും ഉയരമുള്ള തൈകളാണ് നടേണ്ടത്.
ചെയ്ത തെറ്റിന് പകരമായി സാമൂഹികമായ സേവനം നടത്താമെന്ന പ്രതികളുടെ അപേക്ഷ പരിഗണിച്ചാണ് കോടതി മരത്തൈകള് നടാന് നിര്ദേശിച്ചത്. ഡല്ഹി ഫോറസ്റ്റ് ഡെപ്യൂട്ടി കണ്സര്വേറ്റര്ക്കാണ് ഇവര് ഏറ്റെടുക്കുന്ന ദൗത്യത്തിന്റെ ഉത്തരവാദിത്തം. പത്ത് ദിവസങ്ങള്ക്കുള്ളില് ഇവര് തൈകള് നടണം. മൂന്നര വര്ഷം പ്രായമുള്ള ആറ് അടിയെങ്കിലും ഉയരമുള്ള തൈകളാണ് നടേണ്ടത്.