അയ്യപ്പഭക്തന് സംസാരശേഷി; നുണക്കഥയുമായി ദേവസ്വം ബോര്‍ഡ്

കൊച്ചി: സംസാരശേഷിയില്ലാത്ത യുവാവിന് ശബരിമലയില്‍ സംസാരശേഷി തിരിച്ചുകിട്ടിയെന്ന പ്രചാരണവുമായി തിരുവിതാംകൂര്‍ ദേവസ്വം ബോര്‍ഡ്. ബോര്‍ഡിന്റെ ഔദ്യോഗിക ഫേസ്‌ബുക്ക് പേജിലൂടെയാണ് അന്ധവിശ്വാസ പ്രചാരണം നടത്തിയിരിക്കുന്നത്. 'അത്ഭുതകഥ'യുടെ പൊള്ളത്തരം വ്യക്തമാക്കി റിപ്പോര്‍ട്ടുകള്‍ പുറത്തുവന്നിട്ടും വ്യാജകഥ തിരുത്താതെ ഫേസ്ബുക്ക് പേജില്‍ നിലനിര്‍ത്തിയിരിക്കുകയാണ് ഇപ്പോഴും ദേവസ്വം ബോര്‍ഡ്.

സംഭവത്തില്‍ യഥാര്‍ത്ഥത്തിലുണ്ടായതെന്താണെന്ന് യുക്തിവാദി സംഘം മലപ്പുറം ജില്ലാ സെക്രട്ടറി അഡ്വ. കെ കെ രാധാകൃഷ്ണന്‍ സഥലത്തുപോയി അന്വേഷിച്ച് വെളിപ്പെടുത്തിയത് വാര്‍ത്തയായിരുന്നു. എന്നിട്ടും ബോര്‍ഡ് വ്യാജപ്രചാരണം തുടർ‍ന്നുകൊണ്ടിരിക്കുകയാണ്.

കഴുത്തിന്റെ ഒരു ഞരമ്പിന് ക്ഷതം ഏറ്റ് സംസാരശേഷി നഷ്ടപ്പെട്ട സന്തോഷ് വളരെക്കാലമായി ചികില്‍സയിലാണെന്ന്. സംഭവസ്ഥലം സന്ദർ‍ശിച്ച രാധാകൃഷ്ണന്‍ പറയുന്നു. സംസാര ശേഷി പൂര്‍ണമായി തിരിച്ച് കിട്ടാന്‍ ഒരു ശസ്ത്രക്രിയ വേണമെന്ന് നിര്‍ദേശിക്കപ്പെട്ടിട്ടുണ്ട്. ചികില്‍സ തുടരുന്നുണ്ട്. തികഞ്ഞ ഒരു അയ്യപ്പ ഭക്തനായ് സന്തോഷിന് ഏതാണ്ട് മനസ്സിലാകുന്ന വിധത്തില്‍ സംസാരിക്കാന്‍ കഴിയുന്ന ഒരു വാക്കാണ് സ്വാമിയേ... എന്ന വിളി. അതാണ് സന്തോഷ് ഉരുവിട്ടത്. അല്ലാതെ സംസാരശേഷി തിരിച്ചുകിട്ടുന്നതരത്തില്‍ ഒന്നും സംഭവിച്ചിട്ടില്ലെന്ന് രാധാകൃഷ്ണന്‍ പറയുന്നു.

ജന്മനാ സംസാരശേഷിയില്ലാത്ത സന്തോഷിനു നഷ്ടപ്പെട്ട സംസാര ശേഷി ശബരിമലയില്‍ വെച്ച് തിരികെ കിട്ടിയെന്ന രീതിയിലുള്ള ച്രരണങ്ങള്‍ സോഷ്യല്‍ മീഡിയയിലും വ്യാപകമായി നടന്നിരുന്നു. യുവാവ് ശരണം വിളിക്കുന്നതായുള്ള വീഡിയോയും പ്രചരിച്ചിരുന്നു.

ദേവസ്വം ബോർഡിന്റെ ഫേസ്ബുക്ക് പോസ്റ്റ്......


devaswom-board-s-claim-about-mute-man.