കേരള പോലീസിനെ പ്രകീർത്തിച്ചുള്ള ദിലീപിന്‍റെ ഫേസ്ബുക്ക് പോസ്റ്റ്

നടിയെ അക്രമിച്ച സഭവത്തിൽ ആലുവ സബ് ജയിലിൽ കഴിയുന്ന ദിലീപിന്‍റെ ഫേസ്ബുക്ക് പോസ്റ്റ് വൈറലാകുന്നു. കേരള പോലീസിന് ഒരു ബിഗ് സല്യൂട്ട് അറിയിച്ച് കൊണ്ട് വാനോളം പുകഴ്ത്തിയുള്ള പോസ്റ്റാണ് സാമൂഹ്യ മാധ്യമങ്ങളിൽ പ്രചരിക്കുന്നത്. ഞെട്ടേണ്ട കാര്യമില്ല താരത്തിന്‍റെ പഴയൊരു പോസ്റ്റാണ്, ഈ അവസരത്തിൽ വീണ്ടുമൊരു ചർച്ചാ വിഷയമായി മാറി എന്നു മാത്രം. ദിലീപിനെ അറസ്റ്റ് ചെയ്ത് ജയിലിടച്ച പോലീസിനെ ഈ സാഹചര്യത്തിൽ ദിലീപിന് അഭിനന്ദിക്കാൻ കഴിയുമോ? മനപൂർവ്വം തന്നെ കേസിൽ കുടിക്കിയെന്നാണല്ലോ ദിലീപിന്‍റെ ആരോപണം.

ഒരു വർഷം മുൻപ് ഡി സിനിമാസിൽ മോഷണം നടത്തിയ പ്രതിയെ ത്രിപുരയിൽ നിന്നും കേരള പോലീസ് പിടികൂടിയപ്പോൾ പങ്കുവെച്ചതായിരുന്നു ഈ പോസ്റ്റ്. തന്‍റെ ഉടമസ്ഥതയിലുള്ള ഡി സിനിമാസിൽ മോഷണം നടത്തിയവരെ പിടികൂടിയാൽ പിന്നെ കേരള പോലീസിനെ അഭിനന്ദിക്കാതിരിക്കാൻ ആവില്ലല്ലോ. കേരളാ പോലീസിന് ഒരു വലിയ സല്യൂട്ട് എന്നു പറഞ്ഞാണ് പോസ്റ്റ് ആരംഭിക്കുന്നത്. കേരള പോലീസിന് മുന്നിൽ അസാധ്യമായി ഒന്നുമില്ലെന്ന് ഒരിക്കൽക്കൂടി തെളിയിച്ചുവെന്നും ദിലീപ് പോസ്റ്റിൽ കുറിച്ചിരുന്നു.

ബുദ്ധി കൂർമതയ്ക്കും സാഹസികതയ്ക്കും കേരള പോലീസിന് നൽകിയ സല്യൂട്ടാണ് നടിയെ അക്രമിച്ച കേസിൽ അകത്തായപ്പോൾ തിരിഞ്ഞ് കൊത്തിയിരിക്കുന്നത്. ഈ പോസ്റ്റ് വീണ്ടും സാമൂഹ്യ മാധ്യമങ്ങളിൽ വൈറലാകുമ്പോൾ ദിലീപിനെ കളിയാക്കിയും പോലീസിനെ അഭിനന്ദിച്ചും നിരവധി കമന്‍റുകളാണ് വന്നുനിറയുന്നത്. ദിലീപിന്‍റെ പോസ്റ്റിലേക്ക്....

കേരളാപോലീസിന്‌ ഒരു വലിയസല്യൂട്ട്‌. ഓഗസ്റ്റ്‌ 28നു എന്റെ തിയേറ്ററിൽ നടന്ന മോഷണത്തിലെ പ്രതിയെ പിടിച്ച പോലീസ്‌ ഉദ്യോഗസ്ഥരുടെ സാഹസീകതയ്ക്കും,ബുദ്ധികൂർമ്മതയ്ക്കും എന്റെ സല്യൂട്ട്‌.കഴിഞ്ഞ രണ്ടരമാസം കൊണ്ട്‌ ഒരു അസാധാരണ മോഷണക്കേസിലെ പ്രതിയെ ശാസ്ത്രീയമായ്‌ കീഴ്പ്പെടുത്ത അസാധാരണ വൈഭവമ്മാണു ഈ കേസന്വേഷിച്ച ഉദ്ധ്യോഗസ്ഥർ കാഴ്ചവച്ചത്‌,കേരളാപോലീസിനു മുന്നിൽ അസാധ്യമായ്‌ ഒന്നുമില്ലെന്ന് ഒരിക്കൽക്കൂടി വ്യതമാക്കപ്പെട്ടു ഈ കേസിന്റെ അന്വേഷണം.ഒരിക്കൽക്കൂടി കേരളാ പോലീസിന്‌ ഒരു ബിഗ്‌ സല്യൂട്ട്‌. ഒപ്പം ഈ കേസ്‌ സുത്യർഹമാം വിധം അന്വ്വേഷണം പൂർത്തിയാക്കിയ, അതിനു നേതൃത്ത്വം നൽകിയ ശ്രീമതി നിശാന്തിനിIPS ,DYSPവാഹിദ്‌ C I കൃഷ്ണൻM.K S Iജയേഷ്‌ ബാലൻ ad S Iലോനപ്പൻK.D, ASI murali, senior CPO സതീശൻ മനോജ്‌, CPO അജിത്‌,സിജൊ തുടങ്ങിയവർക്ക്‌ പ്രത്യേകം നന്ദി രേഖപ്പെടുത്തുന്നു...



Dileep's old Facebook post goes viral

Dileep's old Facebook post praising Kerala Police goes viral on social media.