ദുല്‍ഖറിനെ സ്നേഹത്താൽ വീര്‍പ്പുമുട്ടിച്ച്‌ തുര്‍ക്കിഷ് ആരാധികമാര്‍

ദുല്‍ഖര്‍ സല്‍മാനെ സ്നേഹപ്രകടനം ആവേശം കൊള്ളിക്കാൻ എത്തിയിരിക്കുകയാണ് തുര്‍ക്കിയില്‍ നിന്നുള്ള ഒരു കൂട്ടം യുവതികൾ. ദുല്‍ഖറിനോടുള്ള തങ്ങളുടെ സ്നേഹം യൂട്യൂബില്‍ പോസ്റ്റ് ചെയ്ത വീഡിയോയിലൂടെയാണ് ഇവര്‍ പങ്കുവച്ചത്. നാല് യുവതികളാണ് ദുല്‍ ഖര്‍ ഫാന്‍സ് തുര്‍ക്കി എന്ന യൂട്യൂബ് പേജില്‍ ഈ വീഡിയോ അപ്ലോഡ് ചെയ്തിരിക്കുന്നത്. ഈ വീഡിയോ കണ്ടതിലെ സന്തോഷം ദുല്‍ഖര്‍ തന്റെ ട്വിറ്റര്‍ പേജിലൂടെ പങ്കുവച്ചിട്ടുണ്ട്.

ദുല്‍ഖറിനെ സന്തോഷിപ്പിക്കാനാണ് ഈ വീഡിയോ തയ്യാറാക്കിയതെന്ന് ആരാധികമാരില്‍ ഒരാള്‍ പറയുന്നു.
തുര്‍ക്കി സന്ദര്‍ശിക്കാന്‍ അവര്‍ ദുല്‍ഖറിനെ ക്ഷണിക്കുന്നുമുണ്ട്. ദുല്‍ഖറിന് ഒരു സമ്മാനം അയച്ചുകൊടുക്കാന്‍ പരിപാടിയുണ്ടെന്നും ഒരു യുവതി പറയുന്നു. താന്‍ ചാര്‍ലി, വിക്രമാദിത്യന്‍, കലി തുടങ്ങിയ ചിത്രങ്ങളൊക്കെ കണ്ടിട്ടുണ്ടെന്നും ഈ സിനിമകള്‍ തനിക്ക് ഒരുപാട് സന്തോഷം പകര്‍ന്നുവെന്നും മറ്റൊരു യുവതി പറഞ്ഞു.