ഇൗ ഹോട്ടലില്‍ പെരുമ്പാമ്പിനും തേളിനുമൊപ്പം ഭക്ഷണം കഴിക്കാം

ചൈനയിലെയും തായ്‌ലൻഡിലെയുമെല്ലാം ഹോട്ടലുകളില്‍ പെരുമ്പാമ്പിനെയും പുഴുക്കളെയുമെല്ലാം പാചകം ചെയ്ത് തീന്‍മേശയിലെത്തിക്കുമെന്ന കാര്യം എല്ലാവര്‍ക്കുമറിയാം. പക്ഷേ ഇൗ പെരുമ്പാമ്പും തേളുമെല്ലാം ഭക്ഷണം കഴിക്കുന്ന മേശയില്‍ നിന്ന് ആതിഥ്യമരുളിയാലോ.

കംബോഡിയന്‍ തലസ്ഥാനമായ ഫ്‌നോം പെന്‍ഹിലെ റെസ്റ്റോറന്റിലാണ് വ്യത്യസ്തമായ ഇൗ അനുഭവം നിങ്ങളെ കാത്തിരിക്കുന്നത്. ഇവിടെയെത്തുന്നവരുടെ കഴുത്തിലും കൈയിലും തീന്‍മേശയിലുമെല്ലാം പാമ്പും തേളും മറ്റ് ക്ഷുദ്ര ജീവികളും ഇഴഞ്ഞു നടക്കുന്നത് കാണാം.

ഇഴജന്തുക്കളെ പേടിക്കുന്നത് തെറ്റിദ്ധാരണമൂലമാണെന്ന് ആളുകളെ ബോധ്യപ്പെടുത്താനാണ് ഇത്തരമൊരു വ്യത്യസ്തത പരീക്ഷിച്ചതെന്നാണ് ഹോട്ടല്‍ ഉടമയായ ചെ റാറ്റി പറയുന്നത്. ഫനോം പെന്‍ഹിലെ ആദ്യ ഇഴജന്തു കഫേയാണ് ഇത്.

കഫേയിലെ ചില്ലുകൂടുകളില്‍ വിവിധ വലുപ്പത്തിലും നിറങ്ങളിലുമുള്ള പാമ്പുകളാണ്. ഇൗ ജീവികളൊന്നും ആളുകളെ ഉപദ്രവിക്കില്ലെന്നതിനാല്‍ ഹോട്ടലിലെത്തുന്നവര്‍ക്ക് ഇത് വ്യത്യസ്തമായ അനുഭവം നല്‍കും. മിക്ക ജീവികളെയും തായ്ലന്‍‍ഡില്‍ നിന്ന് ഇറക്കു മതി ചെയ്തതാണ്. ഹോട്ടലില്‍ പ്രവേശനം സൗജന്യമാണ് .