ചെറായി ഉത്സവത്തിനിടെ ആന ഇടഞ്ഞു; നിരവധി പേര്‍ക്ക് പരിക്ക്

കൊച്ചി: ചെറായി പൂരത്തിനിടെ ആനയിടഞ്ഞ് നിരവധി പേ‍ർക്ക് പരിക്ക്. ക്ഷേത്രത്തെ വലം വെക്കുന്നതിനിടെയാണ് ആന ഇടഞ്ഞത്. നന്ദിലത്ത് ഗോപാലകൃഷ്ണന്‍ എന്ന ആനയാണ് ഇടഞ്ഞത്. പരിഭ്രാന്തരായ ആളുകൾ ഒാടിയതോടെ നിരവധി പേ‍ർക്കാണ് പരിക്കേറ്റത്. ഓടി രക്ഷപ്പെടാന്‍ ശ്രമിച്ചതിനെത്തുടര്‍ന്നുണ്ടായ തിക്കിലും തിരക്കിലും പെട്ട് കൂടുതൽപേ‍ർക്ക് പരിക്കേറ്റു. ചെറായി ഗൗരീശ്വരം ക്ഷേത്രത്തിലാണ് ഗജവീരൻമാർ അണിനിരക്കുന്ന പൂരം നടക്കുന്നത്. ജനസമുദ്രമാകുന്ന പൂരം കാണാൻ വിദേശികളായ ടൂറിസ്റ്റുകളും പങ്കെടുക്കാറുണ്ട്