സര്‍ക്കാര്‍ ഓഫീസിൽ ഹെൽമറ്റ് വച്ചില്ലെങ്കിൽ ജീവൻപോകും

പാട്ന: സര്‍ക്കാര്‍ ഓഫീസിന്റെ മേല്‍ക്കൂരയില്‍ നിന്ന് സിമന്റ് പാളികള്‍ അടര്‍ന്നു വീഴുന്നതിനെത്തുടര്‍ന്ന് ഹെല്‍മറ്റ് വച്ച്‌ ജോലി ചെയ്യുന്ന ബീഹാറിലെ സര്‍ക്കാര്‍ ഉദ്യോഗസ്ഥരുടെ ചിത്രം സാമൂഹ്യ മാദ്ധ്യമങ്ങളില്‍ വൈറലാകുന്നു. ജോലി സമയത്ത് ഹെല്‍മറ്റ് ധരിക്കുന്നത് കിഴക്കന്‍ ചമ്പാരണ്‍ ജില്ലയിലെ അരിരാജ് ബ്ലോക്ക് സര്‍ക്കിള്‍ ഓഫീസിലെ ജീവനക്കാരാണ്.

തലസ്ഥാനമായ പാട്നയില്‍ നിന്നു 150 കിലോമീറ്റര്‍ അകലെയാണ് ഈ ഓഫീസ്. ഓഫീസിലെത്തുന്ന സാധാരണക്കാരും ഇത് കാരണം ഏറെ ബുദ്ധിമുട്ടനുഭവിക്കുന്നുണ്ട്. ബ്ലോക്ക് ഡെവലപ്മെന്റ് ഓഫീസര്‍ പോലും ഹെല്‍മറ്റ് ധരിക്കാന്‍ നിര്‍ബന്ധിതനായിരിക്കുകയാണ്. കെട്ടിടത്തിന്റെ ദുരവസ്ഥയെക്കുറിച്ച്‌ കെട്ടിടനിര്‍മ്മാണ വകുപ്പ് റിപ്പോര്‍ട്ട് ചെയ്തിട്ടുണ്ടെങ്കിലും അറ്റകുറ്റപ്പണികള്‍ക്കായി ഇതുവരെ യാതൊന്നും നടത്തിയിട്ടില്ല. രണ്ട് വര്‍ഷം മുമ്പ് കെട്ടിട നിര്‍മ്മാണ വകുപ്പ് ഈ കെട്ടിടം അപകടകരമാണെന്ന് റിപ്പോര്‍ട്ട് നല്‍കിയിരുന്നു. എന്നാല്‍ ഓഫീസ് മാറ്റി സ്ഥാപിക്കാനുള്ള തീരുമാനം ഇതുവരെയുണ്ടായിട്ടുമില്ല.

employees wear helmet at workplace

With plasters falling off ceiling, employees wear helmet at workplace in Bihar govt office.