ബെയ്ജിങ്: മകൾ പഠിക്കുന്നത് നിരീക്ഷിക്കാനായി വളർത്തുനായയെ കാവൽ നിർത്തി ഒരു പിതാവ്. ചൈനയിലെ ഗുയിഷോയിലാണ് നായയുടെ കാവലിൽ പഠനം. ഷൂ ലിയാങാണ് മകൾ ഷിയാന ഹോം വർക്ക് ചെയ്യാതെ ഉഴപ്പുന്നുണ്ടോ എന്നറിയാൻ ഫാൻത്വാൻ എന്ന നായയെ കാവലിന് ഇരുത്തിയത്. ഇതിൻെറ വീഡിയോ സാമൂഹ്യ മാധ്യമങ്ങളിൽ വൈറലായി കഴിഞ്ഞു. ഹോം വർക്ക് ചെയ്യുന്ന കാര്യത്തിൽ മകൾ മടി കാണിച്ച് തുടങ്ങിയതോടെയാണ് ഫാൻത്വാനെ കാര്യങ്ങൾ ഏൽപ്പിച്ചതെന്ന് ഷൂ ലിയാങ് പറയുന്നു. കാവലിന് നായ എത്തിയതോടെ കുട്ടി പഠനത്തിലും മിടുക്കിയായി തുടങ്ങി. ചെറുപ്പം മുതലേ ഫാൻത്വാന് നല്ല നിരീക്ഷണ പാടവം ഉണ്ടായിരുന്നു.
കാവൽ നിന്ന് തുടങ്ങിയ ഫാൻത്വാനുമായി വലിയ ചങ്ങാത്തത്തിലാണ് ഷിയാന. ഹോം വർക്ക് ചെയ്യാൻ കൂട്ടിന് നായയുണ്ടെങ്കിൽ ആൾക്ക് വലിയ സന്തോഷമാണ്. നായയും കുട്ടിയും വലിയ കൂട്ടാണെന്ന് രക്ഷിതാക്കൾ പറയുന്നു. കൂട്ടിന് പഠിക്കാൻ ഒരാൾ കൂടെ ഉള്ളതായാണ് തനിക്ക് തോന്നുന്നതെന്ന് ഷിയാനയും പറയുന്നു.
കാവൽ നിന്ന് തുടങ്ങിയ ഫാൻത്വാനുമായി വലിയ ചങ്ങാത്തത്തിലാണ് ഷിയാന. ഹോം വർക്ക് ചെയ്യാൻ കൂട്ടിന് നായയുണ്ടെങ്കിൽ ആൾക്ക് വലിയ സന്തോഷമാണ്. നായയും കുട്ടിയും വലിയ കൂട്ടാണെന്ന് രക്ഷിതാക്കൾ പറയുന്നു. കൂട്ടിന് പഠിക്കാൻ ഒരാൾ കൂടെ ഉള്ളതായാണ് തനിക്ക് തോന്നുന്നതെന്ന് ഷിയാനയും പറയുന്നു.