​പൂരത്തിന് മരത്തിന്‍റെ മുകളിൽ കയറിയ ഈ മദാമ്മ ആരാണ് ?

മരത്തിന് മുകളിൽ ഒറ്റയ്ക്ക് കയറിയിരുന്ന് തൃശൂർ പൂരം കണ്ട വിദേശിയായ യുവതി ആരാണെന്ന് ചർച്ചകൾ സോഷ്യൽ മീഡിയയിൽ സജീവമാകുന്നു. പുരുഷാരം തിങ്ങിനിറഞ്ഞ പൂരനഗരിയിൽ ഒറ്റയ്ക്കാണ് കൂറ്റൻ മരത്തിനുമുകളിൽ ഈ യുവതി വലിഞ്ഞുകയറിയത്. മരത്തിനുമുകളിൽ ഇരുന്ന് ഇവരെടുത്ത സെൽഫിയും സോഷ്യൽ മീഡിയയിൽ വൈറലാണ്. ചാർ‍ലിയുടെ ടെസയുടെ വിദേശി അവതാരം എന്നൊക്കെ പറഞ്ഞാണ് പോസ്റ്റുകൾ. പോർച്ചുഗീസ് സ്വദേശിയായ യുവതിയെന്നാണ് സോഷ്യൽമീഡിയയിൽ ഇവരെപറ്റിയെത്തിരിക്കുന്ന നിഗമനം. പക്ഷേ പേരോ മറ്റുവിവരങ്ങളോ ലഭിച്ചിട്ടുമില്ല. ആദ്യമായാണ് ഇവർ പൂരം കാണാനെത്തിയതെന്നും മലയാളിയായ ഒരു സുഹൃത്തുവഴിയാണ് ഇവർ തൃശൂരെത്തിയതെന്നും സൂചനകളുണ്ട്. ഏതായാലും ഇവരുടെ ചിത്രങ്ങൾ വിവിധ ഫോട്ടോഗ്രാഫർമാർ പക‍ർത്തിയത് ഇക്കുറി പൂരം ചിത്രങ്ങളിൽ ഏറെ വൈറാലായവയുടെ കൂട്ടത്തിലുണ്ട്.



ചിത്രം-വിഷ്ണു വി നായിക്




Pooram viral pic
foreigner climb the tree tos see thrissur pooram.