ജീവിച്ചിരിക്കില്ലെന്ന് വിധിയെഴുതി; വിടോറിയയ്ക്ക് ഒൻപതാം പിറന്നാൾ

ലോകത്തിൽ വച്ച് വളരെ അപൂർവമെന്ന് പറയാവുന്ന ഒരു ജനനമാണ് വിടോറിയ മർചിയോളിയുടേത്. ബ്രസീലിൽ ബാറ ഡി സാവോ ഫ്രാൻസിസ്കോയിൽ ജനിച്ച ഈ കുട്ടിക്ക് മുഖത്തുണ്ടായിരുന്നത് വായും രണ്ട് കണ്ണുകളുമാത്രമായിരുന്നു. ഒരു നിമിഷം പോലും ജീവിച്ചിരിക്കില്ലെന്ന് ഡോക്ടർമാർ വിധിയെഴുതിയ വിടോറിയ മർചിയോളി ഒമ്പതാം ജന്മദിനം പിന്നിട്ടിരിക്കുകയാണ്. ട്രീച്ചർ കോളിൻസ് എന്ന അപൂർവ്വ ജനിതക രോഗമാണ് വിടോറിയയുടെ ഈ അവസ്ഥയ്ക്ക് കാരണം.



ജീവിച്ചിരിക്കില്ലെന്ന് ഉറപ്പുവരുത്തിയ ഡോക്ടർമാർ ജനിച്ചയുടനെ കുഞ്ഞിന് വെള്ളം പോലും കൊടുക്കാൻ തയ്യാറായിരുന്നില്ല. കുട്ടിയെ വീട്ടിലേക്ക് കൊണ്ടുപോകാനും മരണത്തിന് കാത്തിരിക്കാനുമായിരുന്നു ഡോക്ടർമാർ നിർദേശിച്ചത്. രക്ഷിതാക്കളുടെ ശ്രദ്ധയേറിയ പരിചരണമാണ് കുട്ടി ഇപ്പോഴും ജീവനോടെ ഇരിക്കുന്നതെന്നാണ് ഡോക്ടർമാർ പറയുന്നത്. ഒമ്പതാം പിറന്നാൾ ആഘോഷിക്കുന്ന വേളയിലാണ് വിടോറിയ വാർത്തകളിൽ ഇടംതേടിയിരിക്കുന്നത്.



കഴിഞ്ഞ ആറു വർഷങ്ങൾക്കിടയിൽ എട്ടോളം ശസ്ത്രക്രിയകൾക്കാണ് വിടോറിയ വിധേയയായിരിക്കുന്നത്. ഈ രോഗം കാരണം വിടോറിയയുടെ മുഖത്തെ 40 എല്ലുകൾക്ക് പൂർണവളർച്ച പ്രാപിക്കാൻ സാധിച്ചിട്ടില്ല. അതുതന്നെയാണ് മുഖം വിരൂപമായിരിക്കാനുള്ള പ്രധാന കാരണവും. 50,000പേരിൽ ഒരാൾക്കെന്ന തോതിലാണ് ട്രീച്ചർ കോളിൻസ് സിൻഡ്രോം എന്ന ഈ അപൂർവ്വ രോഗം ബാധിക്കുക. ജനിച്ച് രണ്ട് ദിവസമായിട്ടും വിടോറിയ മരിക്കാത്തതിനെ തുടർന്ന് അവൾക്ക് കൂടുതൽ വിദഗ്ദ്ധ ചികിത്സകൾ നിർദേശിക്കുകയായിരുന്നു.



കണ്ണും മൂക്കും വായയും മറ്റും മാറ്റി വയ്ക്കുന്നതിനായി എട്ടോളം ശസ്ത്രക്രിയകളായിരുന്നു നടത്തിയത്. ജനിച്ചപ്പോൾ തന്നെ വിരൂപിയായതിനാൽ കുഞ്ഞിനെ താലോലിക്കാനോ അടുത്തിടപ്പെഴുകാനോ ആരും തയ്യാറായിരുന്നില്ല. വിടോറിയയുടെ ഈ അവസ്ഥ കാരണം ഇവരുടെ മറ്റു മക്കൾക്ക് പോലും പരിഹാസം ഏൽക്കേണ്ടി വന്നിട്ടുണ്ടെന്നാണ് വിടോറിയയുടെ മാതാപിതാക്കൾ പറയുന്നത്.


Girl born without a FACE defies the odds to reach her ninth birthday

A girl who was born without a face because of a rare condition has defied the odds to reach her ninth birthday thanks to her family's love.