ലംബോർഗിനി മാർപാപ്പയ്ക്ക് സമ്മാനിച്ച ഹ്യുറാകാൻ ലേലത്തിന്
ഇറ്റാലിയൻ ആഡംബര വാഹന നിർമ്മാതാവായ ലംബോർഗിനി ഫ്രാൻസിസ് മാർപാപ്പയ്ക്ക് സമ്മാനമായി നൽകിയ സ്പെഷ്യൽ എഡിഷൻ ഹ്യുറാകാൻ ജീവകാരുണ്യ പ്രവർത്തനങ്ങൾക്കായി ലേലത്തിന് വയ്ക്കുന്നു.
TNN 16 Nov 2017, 3:24 pm
ഇറ്റാലിയൻ ആഡംബര വാഹന നിർമ്മാതാവായ ലംബോർഗിനി ഫ്രാൻസിസ് മാർപാപ്പയ്ക്ക് സമ്മാനമായി നൽകിയ സ്പെഷ്യൽ എഡിഷൻ ഹ്യുറാകാൻ ജീവകാരുണ്യ പ്രവർത്തനങ്ങൾക്കായി ലേലത്തിന് വയ്ക്കുന്നു. മാർപാപ്പയ്ക്ക് വേണ്ടി പ്രത്യേകം ഡിസൈൻ ചെയ്ത ഹ്യുറാകാൻ കഴിഞ്ഞ ദിവസമായിരുന്നു ലംബോർഗിനി അധികൃതർ മാർപാപ്പയ്ക്ക് കൈമാറിയത്. വെള്ളവും സ്വർണ വർണ്ണവും കലർന്ന ഈ കാറിന് രണ്ട് കോടിയിലധികമാണ് വില.
ഐഎസ് ആക്രമണത്തിൽ നിരാലംബരായവർക്ക് വേണ്ടിയാണ് മാർപാപ്പ ഈ കാർ ലേലം ചെയ്യുന്നത്. അടുത്ത വർഷം മെയിലായിരിക്കും ലേലം സംഘടിപ്പിക്കുക. വത്തിക്കാനിലെ മാർപാപ്പയുടെ വസിതിക്ക് മുന്നിൽ വച്ചാണ് ലംബോർഗിനി അധികൃതർ കാർ സമ്മാനിച്ചത്. തുടർന്ന് കാറിനെ ആശിർവദിച്ച ശേഷം ബോണറ്റിൽ സ്വന്തം കൈയൊപ്പ് ചാർത്തുകയും ചെയ്തു. മാര്‍പാപ്പ വാഴ്ത്തി കയ്യൊപ്പ് ചാര്‍ത്തിയ ലംബോര്‍ഗിനി ഹ്യുറാകാന് നല്ല വില തന്നെ ലേലത്തിൽ പിടിക്കാൻ കഴിയുമെന്നാണ് പ്രതീക്ഷ.
ഇതിനുമുൻപും മാർപാപ്പ തനിക്ക് സമ്മാനമായി ലഭിച്ച വാഹനങ്ങൾ ലേലം ചെയ്തിരുന്നു. 2013 ല്‍ ഡൈന സൂപ്പര്‍ ഗ്ലൈഡ് മോട്ടോര്‍സൈക്കിളിനെ അമേരിക്കന്‍ നിര്‍മ്മാതാക്കളായ ഹാര്‍ലി-ഡേവിഡ്‌സൺ മാര്‍പാപ്പയ്ക്ക് സമ്മാനിച്ചിരുന്നു. ആ മോട്ടോർസൈക്കിളും മാർപാപ്പ കാരുണ്യ പ്രവർത്തനങ്ങൾക്കായി ലേലം ചെയ്യുകയായിരുന്നു. ജീവകാരുണ്യ പ്രവര്‍ത്തനങ്ങള്‍ക്ക് വേണ്ടിയുള്ള ധനസമാഹരണമാണ് ലേലത്തിലൂടെ മാർപാപ്പ കണ്ടെത്തുന്നത്.
ഐഎസ് ആക്രമണത്തിൽ നിരാലംബരായവർക്ക് വേണ്ടിയാണ് മാർപാപ്പ ഈ കാർ ലേലം ചെയ്യുന്നത്. അടുത്ത വർഷം മെയിലായിരിക്കും ലേലം സംഘടിപ്പിക്കുക. വത്തിക്കാനിലെ മാർപാപ്പയുടെ വസിതിക്ക് മുന്നിൽ വച്ചാണ് ലംബോർഗിനി അധികൃതർ കാർ സമ്മാനിച്ചത്. തുടർന്ന് കാറിനെ ആശിർവദിച്ച ശേഷം ബോണറ്റിൽ സ്വന്തം കൈയൊപ്പ് ചാർത്തുകയും ചെയ്തു. മാര്‍പാപ്പ വാഴ്ത്തി കയ്യൊപ്പ് ചാര്‍ത്തിയ ലംബോര്‍ഗിനി ഹ്യുറാകാന് നല്ല വില തന്നെ ലേലത്തിൽ പിടിക്കാൻ കഴിയുമെന്നാണ് പ്രതീക്ഷ.
ഇതിനുമുൻപും മാർപാപ്പ തനിക്ക് സമ്മാനമായി ലഭിച്ച വാഹനങ്ങൾ ലേലം ചെയ്തിരുന്നു. 2013 ല്‍ ഡൈന സൂപ്പര്‍ ഗ്ലൈഡ് മോട്ടോര്‍സൈക്കിളിനെ അമേരിക്കന്‍ നിര്‍മ്മാതാക്കളായ ഹാര്‍ലി-ഡേവിഡ്‌സൺ മാര്‍പാപ്പയ്ക്ക് സമ്മാനിച്ചിരുന്നു. ആ മോട്ടോർസൈക്കിളും മാർപാപ്പ കാരുണ്യ പ്രവർത്തനങ്ങൾക്കായി ലേലം ചെയ്യുകയായിരുന്നു. ജീവകാരുണ്യ പ്രവര്‍ത്തനങ്ങള്‍ക്ക് വേണ്ടിയുള്ള ധനസമാഹരണമാണ് ലേലത്തിലൂടെ മാർപാപ്പ കണ്ടെത്തുന്നത്.