പുതിയ വർക്ക് തുടങ്ങി ''നായക്കൾക്ക് കുരച്ച് തുടങ്ങാമെന്ന് ഗോപി സുന്ദർ

ഗോപി സുന്ദർ ഇപ്പോൾ ട്രോളന്മാരുടെ പ്രിയതാരമാണ്. ഇദ്ദേഹത്തിന്‍റെ അടുത്ത വർക്കിനായി കാത്തിരിക്കുകയാണ് ട്രോളന്മാരും. ഇതുവരെ ഇറക്കിയ പാട്ടുകളെല്ലാം കോപ്പിയടിയെന്ന് പറഞ്ഞ് ട്രോളന്മാർ ട്രോളി കൊന്നിരുന്നു. എന്നാൽ ഇതൊന്നും തന്നെ തളർത്തില്ല എന്ന മട്ടിലാണ് സംഗീത സംവിധായകൻ. ട്രോളന്മാരെ വെല്ലുവിളിച്ച് ഒരു ഫേസ്ബുക്ക് പോസ്റ്റ് തന്നെ ഇട്ടു ഗോപി സുന്ദർ. ''പുതിയ വർക്ക് തുടങ്ങിയെന്നും നായക്കൾക്ക് വേണമെങ്കിൽ കുരച്ച് തുടങ്ങാമെന്നുമായിരുന്നു'' ട്രോളാൻ വരുന്നവർക്ക് ഒരു മറുപടി എന്ന മട്ടിൽ ഫേസ്ബുക്കിൽ കുറിച്ചത്. ഇത് തമാശയ്ക്ക് പറഞ്ഞതാണെന്നും സ്പോർട്സ് മാൻ സ്പിരിറ്റിൽ എടുക്കണമെന്നും പോസ്റ്റിൽ കൂട്ടിച്ചേർത്തിട്ടുണ്ട്.

ട്രോളന്മാരെയും ട്രോളുകളെയും ഒട്ടും ഭയക്കുന്നില്ലെന്നും അതൊക്കെ താൻ ആസ്വദിക്കുന്നു എന്ന മട്ടിലാണ് ഗോപിയുടെ ഈ നീക്കം. അടുത്ത പണി തുടങ്ങി ട്രോളന്മാർ ട്രോളാൻ തയ്യാറായിക്കോളൂ എന്ന് തുറന്നടിക്കാൻ ഗോപി ഒരു മടിയും കാണിച്ചില്ല. എന്നാൽ ഗോപി ഇങ്ങനെയൊരു കമന്‍റ് പ്രതീക്ഷിച്ച് കാണില്ല. എത്ര ട്രോളിയാലും തനിക്ക് ഒരു ചുക്കുമില്ല എന്നു കാണിക്കാൻ ഫേസ്ബുക്ക് പോസ്റ്റിട്ടപ്പോൾ അതിന് ഒരാൾ നൽകിയ മറുപടി ഇതായിരുന്നു. ''പട്ടികൾ കുരയ്ക്കുന്നത് കള്ളന്മാരെ കണ്ടിട്ടാണെന്നും അവ ജോലി തടസ്സപ്പെടുത്താറില്ല'' എന്നുമായിരിന്നു ഉരുളയ്ക്ക് ഉപ്പേരി എന്നോണം കിട്ടിയ മറുപടി. താനും തമാശയ്ക്ക് പറഞ്ഞതാണെന്നും ഇയാളും കൂട്ടിച്ചേർത്തു.

ഗോപിക്ക് കിട്ടിയ അപ്രതീക്ഷിത മറുപടിക്ക് നിരവധി ലൈക്കുകളാണ് ലഭിച്ചിരിക്കുന്നത്. ഒടുവിൽ ട്രോളാനുള്ള അവസരം വീണ്ടും ഗോപി തന്നെ ഒരുക്കിനൽകി എന്നു പറയുന്നതാവും ശരി. കഴിഞ്ഞ ദിവസം പുറത്തിറങ്ങിയ ദുൽഖറിന്‍റെ സിഐഎയിലെ ഗാനവും കോപ്പിയടിയെന്നാണ് പറയപ്പെടുന്നത്. ടൂ കൺട്രീസിൽ നിന്നുമാണ് ഈണം കട്ടെടുത്തത് എന്നാണ് ട്രോളന്മാരുടെ കണ്ടെത്തൽ. ഒന്നിന് പുറകെ ഒന്നായി കോപ്പിയടി വിവാദത്തിൽ അകപ്പെടുമ്പോഴും ഒട്ടും കുലുങ്ങാത്ത മട്ടിലാണ് ഗോപി. കോപ്പിയടിച്ചാലും തന്നെ നിർമാതാക്കൾ തേടിയെത്തുന്നുണ്ടെന്നാണ് ഗോപിയുടെ മറുപടി.

Gopi sundar's new facebook post goes viral

Malayalam music director gopi sunder challenged social media saying, I started my work dogs can bark if they want. He also added that it's a joke, take it in a sports man spirit.