മരണത്തിലും വേർപിരിയാതെ ഇൗ സ്നേഹം

യജമാനനെ മരണം വരെ കാത്തിരുന്ന ഹാച്ചിക്കോയെ ഓർമ്മയുണ്ടോ? ഇന്നും മരിക്കാത്ത സ്നേഹമായി ഓർമിക്കപ്പെടുന്ന ആ പട്ടിയെ ഓർമിപ്പിക്കുന്ന ഒരു പൂച്ചയുണ്ട് അങ്ങ് ഇന്തോനേഷ്യയിൽ.

യജമാനൻ മരിച്ച കല്ലറയിൽ കാവലിരിക്കുന്ന ഒരു പൂച്ച. ഇന്തോനേഷ്യയിലെ സെൻട്രൽ ജാവയിലാണ് യജമാനനോടുള്ള സ്‌നേഹത്തിന്‍റെ പ്രതീകമായി യജമാനന്‍റെ ശവക്കല്ലറയിൽ കാവലിരിക്കുന്ന ഒരു പൂച്ചയുള്ളത്. വാർദ്ധക്യ സഹജമായ രോഗങ്ങളെ തുടർന്ന് മരിച്ച ഇബു കുൻധാരിയുടെ കല്ലറക്കടുത്താണ് ഈ പൂച്ച എത്തുന്നത്.

ഇബു ഓമനിച്ചു വളർത്തിയിരുന്ന പൂച്ച യജമാനൻ മരിച്ചതോടെ അനാഥനായി. പലരും ഈ പൂച്ചയെ അലിവുതോന്നി വീട്ടിലേക്ക് കൊണ്ട് പോയെങ്കിലും രാത്രി ആയാൽ പൂച്ച കല്ലറക്കടുത്തെത്തും. കലർപ്പില്ലാത്ത ഈ സ്നേഹമാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്.


(ചിത്രത്തിന് കടപ്പാട്- ന്യൂസ് ടൈം)


great love story- cat waiting and sitting near the grave of owner