വിവാഹത്തിനിടെ വരന്‍ കുഴഞ്ഞുവീണു മരിച്ചു

ലുധിയാന: താലിക്കെട്ടുന്നതിനിയില്‍ വരന്‍ കുഴഞ്ഞു വീണു മരിച്ചു. മോഗാ പട്ടണത്തിലെ ഫിറോസ്പൂര്‍ കല്യാണ മണ്ഡപത്തില്‍ വിവാഹാഘോഷങ്ങള്‍ നടക്കുന്നതിനിടയിലാണ് വരനായ സൗരഭ്(28) കുഴഞ്ഞു വീണ് മരിച്ചത്. ഹൃദയാഘാതം മൂലമാണ് സൗരഭ് മരിച്ചത്. രാത്രി 12 മണിക്കായിരുന്നു വരിന്ദര്‍ ഖേദയുടെ മകനായ സൗരഭും പ്രീതുവിന്റെയും വിവാഹം.

വരന്റെയും വധുവിന്റെയും കുടുംബാംഗങ്ങളെല്ലാം ആഘോഷത്തില്‍ മുഴുകിയിരിക്കുകയായിരുന്നു. എന്നാല്‍ പ്രീതുവിന്റെ കഴുത്തിലേക്ക് മാലയണിക്കാന്‍ ശ്രമിക്കുമ്പോള്‍ സൗരഭ് കുഴഞ്ഞു വീഴുകയിരുന്നു. സൗരഭ് കുഴഞ്ഞുവീണു പിടയുന്നതു കണ്ടതിനു പിന്നാലെ പ്രീതും ബോധരഹിതയായി നിലത്തു വീണു. ഇരുവരെയും ഉടന്‍ ആശുപത്രിയിലേക്ക് കൊണ്ടു പോയെങ്കിലും സൗരഭിനെ രക്ഷപ്പെടുത്താന്‍ സാധിച്ചില്ല.(Video courtesy: Punjab Exclusive)