നരേന്ദ്ര മോദിയുടെ കോട്ടിന് ഗിന്നസ് ബുക്ക് റെക്കോർഡ്

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ കോട്ടിന് ഗിന്നസ് ബുക്ക് റെക്കോർഡ്. 'ലോകത്തെ ഏറ്റവും വലിയ വിലയ്ക്ക് ലേലം ചെയ്യപ്പെട്ട കോട്ട്' എന്ന ബഹുമതിയോടെയാണ് കോട്ട് ഗിന്നസ് ബുക്ക് ഓഫ് വേള്‍ഡ് റെക്കോഡ്‌സില്‍ ഇടംനേടിയത്.

ഏറെ വിവാദങ്ങൾക്ക് വഴി വെച്ച കോട്ട് 2015ലെ റിപ്പബ്ലിക്ക് ദിനത്തിൽ ബരാക്ക് ഒബാമ അതിഥി ആയി എത്തിയപ്പോൾ സ്വീകരിക്കാൻ എത്തിയ മോദി ധരിച്ചിരുന്നതാണ്. കോട്ടിൽ പ്രധാനമന്ത്രിയുടെ പേര് തുന്നി ചേർത്തതാണ് ഏറെ വിവാദങ്ങൾക്ക് വഴിവെച്ചത്.

വിവാദത്തെ തുടർന്ന് കോട്ട് ലേലം ചെയ്യാൻ തീരുമാനിക്കുകയായിരുന്നു. 4,31,31,311 രൂപക്ക് ലാൽജി ഭായ് പട്ടേൽ എന്ന ഗുജറാത്തി വ്യവസായിയാണ് കോട്ട് സ്വന്തമാക്കിയത്. ഈ തുക പിന്നീട് പ്രധാനമന്ത്രി നമാമി ഗംഗ പദ്ധതിക്കായി നൽകുകയും ചെയ്തു. ഈ ലേല തുകയാണ് ഇപ്പോൾ ഗിന്നസ് റെക്കോർഡ് സ്വന്തമാക്കിയിരിക്കുന്നത്.