ഹനാന്‍ എന്ന കൊച്ചു മിടുക്കിയെ ഇനി നമ്മള്‍ കാണുന്നത് വെള്ളിത്തിരയില്‍

കൊച്ചി: സോഷ്യല്‍ മീഡിയയിലെ വിമര്‍ശനങ്ങള്‍ ഏറ്റുവാങ്ങി മടുത്ത ഹനാന് ഇനി സന്തോഷവാര്‍ത്ത. ജീവിക്കാന്‍ വേണ്ടി മീന്‍ വിറ്റും പലവിധ തൊഴിലുകള്‍ ചെയ്തും ജീവിച്ച ഈ മിടുക്കി പെണ്‍കുട്ടിയെ ഇനി നമ്മള്‍ കാണുന്നത് വെള്ളിത്തിരയിലായിരിക്കും.

മൂന്ന് സിനിമകളിലാണ് ഹനാന് ഇപ്പോള്‍ അവസരം കൈവന്നിരിക്കുന്നത്. കുട്ടനാടന്‍ മാര്‍പാപ്പയുടെ നിര്‍മാതാവ് നൗഷാദ് ആലത്തൂരിന്റെ അടുത്ത മൂന്ന് സിനിമകളില്‍ ഹനാന്‍ അഭിനയിക്കും എന്നാണ് വാര്‍ത്ത‍. വൈറല്‍ 2019, അരക്കള്ളന്‍ മുക്കാല്‍ കള്ളന്‍, വിഷ്ണു ഉണ്ണികൃഷ്ണന്‍ നായകനാകുന്ന മിഠായിത്തെരുവ് എന്നി ചിത്രങ്ങളിലേക്കാണ് ഹനാന് അവസരം ലഭിച്ചിരിക്കുന്നത്.

പ്രണവ് മോഹന്‍ലാല്‍ നായകനാവുന്ന അരുണ്‍ ഗോപി ചിത്രത്തില്‍ ഹനാന് അവസരം കൊടുക്കുമെന്ന് നേരത്തെ തന്നെ വ്യക്തമാക്കിയിരുന്നു.

തൊടുപുഴ അല്‍ അസര്‍ കോളജിലെ രസതന്ത്രം മൂന്നാംവര്‍ഷ ബിരുദ വിദ്യാര്‍ഥിയാണ് ഹനാന്‍. ജീവിക്കാന്‍ വേണ്ടി പലവിധ തൊഴിലുകള്‍ ചെയ്തു ജീവിക്കുന്ന ഈ പെണ്‍കുട്ടി മത്സ്യം വില്‍ക്കുന്ന ചിത്രം മീഡിയയില്‍ വൈറല്‍ ആയിരുന്നു. എന്നാല്‍ ഇത് വ്യാജമാണെന്ന് ചിലര്‍ വാര്‍ത്തകള്‍ പ്രചരിപ്പിക്കുകയും ഹനാനെ അപകീര്‍ത്തിപ്പെടുത്തുന്ന കമന്‍റുകള്‍ പോസ്റ്റ് ചെയ്യുകയും ഉണ്ടായി.