‘ഹരം’ വീഡിയോ ഗാനം വൈറലാകുന്നു

പ്രണയദിനത്തിൽ പുറത്തിറക്കിയ ‘ഹരം’ വീഡിയോ ഗാനം വൈറലാകുന്നു. പ്രണയവും നിരാശയും പറഞ്ഞു പോകുന്ന ഗാനം സംവിധാനം ചെയ്തിരിക്കുന്നത് ബിലഹരിയാണ്. രണ്ട് പേരുടെ പ്രണയവും പിന്നീടുണ്ടാകുന്ന അകലവുമാണ് ഗാനരംഗത്തിൽ അവതരിപ്പിച്ചിരിക്കുന്നത്. വിഷ്ണു ഉണ്ണികൃഷ്ണന്‍, മേഘ എന്നിവരാണ് ഗാനത്തില്‍ പ്രധാന കഥാപാത്രങ്ങളായെത്തുന്നത്.

വിനീത് വാസുദേവനാണ് വരികള്‍ എഴുതിയിരിക്കുന്നത്. മുജീബ് മജീദാണ് ഗാനത്തിന് സംഗീത സംവിധാനം നിര്‍വഹിച്ചിരിക്കുന്നത്. മുജീബ് മജീദ്, ദേവിക അശോക് എന്നിവരാണ് ഗാനം ആലപിച്ചിരിക്കുന്നത്.