പാവങ്ങൾ അന്തിയുറങ്ങാതിരിക്കാൻ ആണികിടക്കയുമായി ബാങ്ക്

കടതിണ്ണയെങ്കിലും രാത്രിയിൽ തലചായ്ക്കാൻ ഉണ്ടാകുമെന്ന വിശ്വാസത്തിൽ ജീവിക്കുന്ന നിരവധിപേരുണ്ട്. അവരുടെ അവസാന ആശ്രയവും കൊട്ടിയടച്ചിരിക്കുകയാണ് ഒരു സ്വകാര്യ ബാങ്ക്. രാത്രി ബാങ്കിന്റെ തിണ്ണയിൽ ഉറങ്ങാനെത്തുന്നവരെ ആട്ടിയോടിക്കാൻ എച്ച്.ഡി.എഫ്.സി മുംബൈ ഫോർട്ട് ബ്രാഞ്ചിന്റെ മുൻവശത്ത് ഇരുമ്പാണിക്കിടക്ക സ്ഥാപിച്ചത് ഏറെ വിവാദമായതോടെ മാറ്റിയിരിക്കുകയാണ്.


ഇരുമ്പാണിക്കിടക്കയുടെ ചിത്രങ്ങൾ സമൂഹ മാധ്യമങ്ങളിലൂടെയും വൻതോതിൽ പ്രചരിച്ചു. സമൂഹത്തിന്റെ വിവിധ ഭാഗത്ത് നിന്നുള്ളവർ ബാങ്കിന്റെ ക്രൂര നടപടിയെ വിമർശിച്ച് രംഗത്തെത്തി. ഇതോടെ ഗതിയില്ലാതെ വന്ന ബാങ്ക് അധികൃതർ ഖേദപ്രകടനവുമായി രംഗത്തെത്തുകയും തങ്ങളുടെ തെറ്റുതിരുത്തി ആണികിടക്ക മാറ്റുകയുമായിരുന്നു. ബാങ്കിന്റെ സുരക്ഷയ്ക്കായിരുന്നു ഇത്തരത്തിലൊരു നീക്കമെന്നാണ് ബാങ്ക് വിശദീകരിക്കുന്നത്.