​ഈ അമേരിക്കൻ പെൺകുട്ടിയുടെ പേര് 'കേരള'

2004-ൽ ആണ് ടിവി പ്രൊഡ്യൂസറായ ചാൾസ് ക്രാമറും ഇന്‍റീരിയർ ഡിസൈനറായ ഭാര്യ ബ്രെന്ന മൂറും കേരളത്തിലെത്തിയത്. അത് ലവ് അറ്റ് ഫസ്റ്റ് സൈറ്റ് പോലെയായിരുന്നുവെന്ന് അവർ തന്നെ പറയുന്നു. ആദ്യകാഴ്ചയിൽ തന്നെ കേരളത്തോട് പ്രണയമായി. ഇവിടെനിന്ന് മടങ്ങിയപ്പോൾ അവർ കേരളത്തിന്‍റെ സംസ്കാരവും രുചികളുമൊക്കെ നെഞ്ചോട് ചേർത്തു. അവസാനം 2009-ൽ തങ്ങൾക്ക് ജനിച്ച ആദ്യ കുട്ടിക്കൊരു പേരുമിട്ടു. 'കേരള'യെന്നാണ് അവർ അവളെ വിളിച്ചതെന്ന് 'ദ ന്യൂസ് മിനിറ്റ്' വെബ് പോർട്ടൽ റിപ്പോർട്ട് ചെയ്യുന്നു.

പിന്നീട് ലോസ് ആ‌ഞ്ചൽസ് നിന്ന് മാതാപിതാക്കളോടൊപ്പം മകൾ കേരളവും ഇവിടേക്കെത്തി. ഇവിടുത്തെ സംസ്കാരവും രുചികളുമറിഞ്ഞു. ഡൽഹി, ഉദയ്പൂ‍ർ തുടങ്ങി ഇന്ത്യയിൽ വിവിധ സ്ഥലങ്ങളിൽ പോയിട്ടുണ്ടെങ്കിലും കേരളവും ഇവിടുത്തെ ആളുകളും ഏറെ ആകർഷിച്ചുവെന്ന് ഇവരുടെ വാക്കുകൾ.



ഇവിടുത്തെ കുന്നുകള്‍, കടൽതീരങ്ങള്‍, കായലുകള്‍, ഭക്ഷണം സര്‍വ്വോപരി കേരളത്തിൽ നിന്ന് കിട്ടിയ പ്രത്യേക ഊര്‍ജ്ജം എല്ലാം ഇവിടുന്ന് പോയിട്ടും ഇവരോടൊപ്പമുണ്ടായിരുന്നു. ആറ് ഭൂഖണ്ഡങ്ങളും 20 രാജ്യങ്ങളും ഉൾക്കൊള്ളിച്ച് ലോക സഞ്ചാരത്തിനൊരുങ്ങുകയാണ് കുടുംബം. ഈ സഞ്ചാരത്തിനായുള്ള ഗൈഡ് മിഷേൽ കേരളത്തിൽ നിന്നൊരു കുട്ടിയ ദത്തെടുത്തിട്ടുമുണ്ട്.

അങ്ങനെ ആ കുട്ടിയിലൂടെ കേരളത്തിലെ കോട്ടയത്ത് ഭരണങ്ങാനത്ത് ഇവർക്കൊരു ചെറിയ ബന്ധമുണ്ട്. അങ്ങനെ അവിടെ മിഷേൽ ദത്തെടുത്ത കുട്ടിയുടെ ബന്ധത്തിലുള്ള വീട്ടിലെ കുട്ടികളോടൊപ്പം അൽഫോൻസ റസിഡൻഷ്യൽ സ്കൂളിൽ കേരളയെ പഠിപ്പിക്കാൻ കുറച്ചുനാൾ ചേർത്തിരുന്നു. ഇളയസഹോദരനെ അവിടെ പ്ലേ സ്കൂളിലും ചേർത്തു. മൂന്നാം ക്ലാസിൽ ഇവിടുെ കുറച്ച്നാൾ പഠിച്ചശേഷം മടങ്ങി. ഇപ്പോൾ 8 വയസ്സുള്ള കേരളവും കുടുംബവും ഇന്തോനേഷ്യയിലാണ് താമസിക്കുന്നത്.

ചിത്രങ്ങൾ-കടപ്പാട്- ദ ന്യൂസ് മിനിറ്റ്
her name is kerala and she is 8
meet american kid Who's name is kerala.