പാവയ്ക്കകത്ത് നിന്നും ദുർഗന്ധം; തുറന്നപ്പോൾ കണ്ടത് ഞെട്ടിക്കുന്ന കാഴ്ച

ഊട്ടിയിലേക്ക് വിനോദയാത്ര പുറപ്പെട്ടതായിരുന്നു ആലപ്പുഴ സ്വദേശികളായ ശ്രീമോളും കുടുംബവും. റോഡരികൽ പാവകളെ വിൽക്കുന്നത് കണ്ടാൽ കുഞ്ഞുങ്ങൾ അത് വേണമെന്ന് പറഞ്ഞ് വാശിപ്പിടിക്കാറുള്ളത് പതിവാണ്. അങ്ങനെ വയനാടിനും ഗൂഡല്ലൂരിനും ഇടയിൽ വെച്ച് റോഡരികിൽ പാവകളെ വിൽക്കാൻ വച്ചതുകണ്ട് വാശിപിടിച്ച കുഞ്ഞിന് ശ്രീമോൾ ഒരു ടെഡി ബിയറിനെ വാങ്ങിച്ചുകൊടുത്തു.




യാത്ര കഴിഞ്ഞ് വീട്ടിലെത്തിയപ്പോഴാണ് പാവയ്ക്കകത്ത് നിന്നും അതിയായ ദുർഗന്ധം അനുഭവപ്പെട്ടത്. തുറന്നുനോക്കിയപ്പോൾ കണ്ടത് ആശുപത്രി മാലിന്യങ്ങൾ. രക്തവും മരുന്നും നിറഞ്ഞ പഞ്ഞികളും ബാൻഡം എയ്ഡുകളും ശ്രീമോൾ പങ്കുവെച്ച വീഡിയോയിൽ കാണാം. തുറന്നതിന് ശേഷവും തൊടാൻ പോലും കഴിയാത്തത്ര രൂക്ഷ ഗന്ധമായിരുന്നു ഉണ്ടായിരുന്നത് എന്നാണ് ഫേസ്ബുക്ക് ലൈവിൽ ശ്രീമോൾ വ്യക്തമാക്കിയത്. ഇത് മറ്റുള്ളവരുടെ ശ്രദ്ധയിൽപ്പെടുത്താനാണ് ഫേസ്ബുക്ക് ലൈവിൽ എത്തിയത് എന്നാണ് ശ്രീമോൾ പറയുന്നത്.

വീടിനകത്ത് നിന്നും ദുർഗന്ധം വന്നപ്പോഴും പാവയെ ശ്രദ്ധിച്ചിരുന്നില്ല. സാധാരണ ടെഡി ബെയറിനുള്ളില്‍ പഞ്ഞിയാണ് നിറച്ചു വയ്ക്കുന്നത്. അതുകൊണ്ട് പാവയെ സംശയിച്ചിരുന്നില്ല. പിന്നീട് ദുർഗന്ധത്തിനുള്ള കാരണം കണ്ടെത്താൻ കഴിയാതെ വന്നപ്പോഴാണ് പാവ പരിശോധിച്ചത്. അപ്പോഴാണ് ഞെട്ടിക്കുന്ന കാഴ്ച കണ്ടത്. ഇതര സംസ്ഥാനക്കാരനായ കച്ചവടക്കാരന്‍റെ കൈയിൽ നിന്ന് 350 രൂപയ്ക്ക് വാങ്ങിച്ചതായിരുന്നു ഈ പാവയെ.