അത്തരമൊരു സാഹചര്യത്തിന് ഉദാഹരണമാണ് താഴെയുള്ള വീഡിയോ.
ഡിസംബര്‍ 2017ന് Oh My Health എന്ന ഫേസ്‍ബുക്ക് പേജില്‍ അപ്‍ലോഡ് ചെയ്‍ത വീഡിയോയാണിത്. തമിഴ്‍നാട്ടിലെ തെങ്ങുകളുടെ വേരുകളില്‍ മാരകവിഷം പൊത്തിവെക്കുന്ന എന്ന പേരിലാണ് ഈ വീഡിയോ പ്രചരിക്കുന്നത്. കുട്ടികള്‍ക്ക് കരിക്ക് വാങ്ങി നല്‍കരുതെന്ന സന്ദേശവും വീഡിയോ നല്‍കുന്നുണ്ട്.
ഇതില്‍ സത്യമുണ്ടോ
ഈ വീഡിയോ പൂര്‍ണമായും വ്യാജമാണ്. വീഡിയോയുടെ ആധികാരികത സമയം മലയാളം പരിശോധിച്ചു. ഈ വിഡിയോ തൃശൂര്‍ ജില്ലയിലെ താന്ന്യം എന്ന സ്ഥലത്ത് തെങ്ങുകളില്‍ നടക്കുന്ന പരീക്ഷണത്തെക്കുറിച്ചാണ്. താന്ന്യം കൃഷി വകുപ്പ് ഓഫീസര്‍ വിവെന്‍സിയുടെ നേതൃത്വത്തില്‍ ആണ്, ദക്ഷിണേന്ത്യയില്‍ കാലങ്ങളായി നടത്തുന്ന ഈ പരീക്ഷണം നടക്കുന്നത്.
തെങ്ങിന്‍റെ വളര്‍ച്ചയുമായി ബന്ധപ്പെട്ടാണ് ഈ പരീക്ഷണം. മൂന്നുഘട്ടമായി നടക്കുന്ന പരീക്ഷണം കഴിഞ്ഞയാഴ്‍ച്ചയാണ് പൂര്‍ത്തിയായത്. ഇതിന്‍റെ ഫലങ്ങള്‍ ഇനി പരിശോധനകള്‍ക്ക് ശേഷം അറിയാം. ഇതിന് കരിക്കിന്‍റെ വലിപ്പംകൂട്ടലുമായി ഒരു ബന്ധവുമില്ല. കാര്‍ഷിക സര്‍വകലാശാലയുടെ സഹായത്തോടെയാണ് പരീക്ഷണം നടക്കുന്നത്. - വിവെന്‍സി പറഞ്ഞു.
ഈ വീഡിയോ ദുരുപയോഗം ചെയ്യപ്പെട്ടത് എങ്ങനെ
തമിഴ്‍നാട്ടില്‍ നിന്ന് എത്തിച്ച തൊഴിലാളികളാണ് ഈ പരീക്ഷണം ചെയ്യുന്നത്. ആദ്യത്തെ പരീക്ഷണം നടന്നപ്പോള്‍ വിവെന്‍സി ഇതിന്‍റെ വീഡിയോ എടുത്തിരുന്നു. അദ്ദേഹം ഇത് കൃഷിവകുപ്പ് ഉദ്യോഗസ്ഥര്‍ അംഗങ്ങളായ ഒരു വാട്ട്‍സാപ്പ് ഗ്രൂപ്പില്‍ പോസ്റ്റ് ചെയ്‍തു.
വീഡിയോ വെറുതെ പോസ്റ്റുചെയ്യുകയായിരുന്നില്ല. ക്യാപ്‍ഷനും ചേര്‍ത്തിരുന്നു. പിന്നീട് ഈ വീഡിയോ കൈമാറ്റം ചെയ്യപ്പെട്ടപ്പോള്‍ ആരോ ക്യാപ്‍ഷന്‍ ഇല്ലാതെ ഷെയര്‍ ചെയ്യുകയും ഇത് വ്യാപകമായി തെറ്റായരീതിയില്‍ പ്രചരിക്കുകയുമായിരുന്നു.
വ്യാജ വാര്‍ത്തകള്‍ നിങ്ങളെ ബാധിക്കുന്നത് എങ്ങനെ
ഈ വീഡിയോ തന്നെ എടുക്കാം. ഇതുവരെ (15-2-2018) ഏതാണ്ട് 19 ലക്ഷം ആളുകളാണ് ഈ വീഡിയോ ഫേസ്‍ബുക്കില്‍ കണ്ടത്. 8000 -അടുത്ത് ആളുകള്‍ ഇത് ലൈക്ക് ചെയ്‍തു. 300 -ല്‍ അധികം പേര്‍ കമന്‍റ്‍ ചെയ്‍തു. അതിനേക്കാള്‍ വലിയ അപകടം ഇത് 68,145 ആളുകള്‍ ഷെയര്‍ ചെയ്‍തു കഴിഞ്ഞു എന്നറിയുമ്പോഴാണ്. ഫേസ്‍ബുക്കിലെ മാത്രം കണക്കുകളാണ് ഇത്. വാട്ട്‍സാപ്പില്‍ ഇതിപ്പോള്‍ എത്രയോ തവണ ഷെയര്‍ ചെയ്യപ്പെട്ടിരിക്കാം. എത്രയോ പേര്‍ തെറ്റിദ്ധരിക്കപ്പെട്ടിരിക്കാം.
അതുകൊണ്ട്, എല്ലായിപ്പോഴും ശ്രദ്ധയോടെ സോഷ്യല്‍ മീഡിയയെ സമീപിക്കുക. ഒരുതരത്തിലുള്ള വിശ്വാസ്യതയും അവകാശപ്പെടാനില്ലാത്ത പ്ലാറ്റ്‍ഫോമാണ് സോഷ്യല്‍ മീഡിയ.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
