ഓരോ ഫേസ്ബുക്ക് ലൈക്കിനും ഭാര്യയ്ക്ക് ഭർത്താവിന്‍റെ മർദ്ദനം

ഭാര്യയ്ക്ക് ഭർത്താവിന്‍റെ വക ക്രൂര മർദ്ദനം കാരണമറിഞ്ഞാൽ ആരുമൊന്ന് ഞെട്ടും. ഫേസ്ബുക്കിൽ ഭാര്യ പങ്കുവയ്ക്കുന്ന ചിത്രങ്ങൾക്ക് ലഭിക്കുന്ന പ്രതികരണങ്ങളാണ് ഭർത്താവിനെ അക്രമാസക്തനാക്കുന്നത്. ഉ​റു​ഗ്വേ സ്വ​ദേ​ശി​നി​യാ​യ ഇ​രു​പ​ത്തി​യൊ​ന്നു​കാ​രി അ​ഡോ​ൾ​ഫി​ന കാ​മെ​ലി ഓ​ർ​ട്ടി​ഗോ​സ​ ആണ് ഭർത്താവിന്‍റെ ക്രൂരമർദ്ദനങ്ങൾക്ക് ഇരയായിരിക്കുന്നത്. നിരന്തരമായ പീഢനത്തെ തുടർന്ന് മുഖം വികൃതമായതിനാൽ അ​ഡോ​ൾ​ഫി​നയ്ക്ക് ഒടുവിൽ ശസ്ത്രക്രിയയും വേണ്ടിവന്നു.



ഫേസ്ബുക്കിൽ അ​ഡോ​ൾ​ഫി​ന പങ്കുവയ്ക്കുന്ന ചിത്രങ്ങൾക്ക് ലൈക്കോ കമന്‍റോ കിട്ടിയാൽ പിന്നീട് ഭർത്താവ് പെ​ഡ്രോ ബെ​ർ​ഹീ​റ്റോ​യി​ൽ നിന്നുമുള്ള ക്രൂര മർദ്ദനമാണ്. ഫേസ്ബുക്ക് പാസ്‍വേഡ് കൈക്കലാക്കിയ പെഡ്രോ സ്വയം ചിത്രങ്ങൾ പങ്കുവച്ചാണ് ഈ ക്രൂരവിനോദം നടത്തുന്നത്. പെഡ്രോ പങ്കുവയ്ക്കുന്ന അ​ഡോ​ൾ​ഫി​നയുടെ ചിത്രങ്ങൾക്ക് ലഭിക്കുന്ന ഓരോ ലൈക്കിനും കമന്‍റിനുമാണ് ഇവർ മർദ്ദമേറ്റുവാങ്ങുന്നത്.



ഫേസ്ബുക്കിൽ ലൈക്കും കമന്‍റും നൽകുന്ന സുഹൃത്തുക്കൾ പോലും അറിഞ്ഞിരുന്നില്ല അഡോൾഫിന ക്രൂര പീഢനങ്ങൾക്ക് ഇരയായി കൊണ്ടിരിക്കുകയാണെന്ന്. ശബ്ദം പുറത്ത് കേൾക്കാതിരിക്കാൻ വായിൽ തുണി തിരുകിയായിരുന്നു മർദ്ദിച്ചിരുന്നത്. ക്രൂര മർദ്ദനത്താൽ അഡോൾഫിനയുടെ മുഖം തിരിച്ചറിയാത്ത വണ്ണം വികൃതമായി.



അ​ഡോ​ൾ​ഫി​നയുടെ രൂപമാറ്റം കണ്ട് ഭയന്ന പെഡ്രോയുടെ പിതാവാണ് ഇവരെ ആശുപത്രിയിലെത്തിച്ചത്. പിതാവ് മകനെതിരെ പോലീസിൽ പരാതി നൽകുകയും ചെയ്തു. മുപ്പത് വർഷം തടവുശിക്ഷ ലഭിക്കാവുന്ന കുറ്റമാണ് പെഡ്രോ ചെയ്തിരിക്കുന്നത്. സുഹൃത്തുക്കളുമായി അഡോൾഫിന സൗ​ഹൃ​ദം കാ​ത്തു​സൂ​ക്ഷി​ക്കു​ന്ന​ത് തനിക്ക് ഇഷ്ടമല്ലായിരുന്നു എന്നാണ് പെഡ്രോ വ്യക്തമാക്കുന്ന കാരണം.