ഇൻഡോര് (മധ്യപ്രദേശ്) : പോലീസ് ഉദ്യോഗസ്ഥയാണെന്ന് നടിച്ച് ആളുകളില് നിന്ന് പണംതട്ടുന്ന സ്ത്രീയെയും കാമുകനെയും പോലീസ് പിടികൂടി. മധ്യപ്രദേശിലെ ഇന്ഡോറിലാണ് സംഭവം. തട്ടിപ്പുകാരിയുടെ കാമുകന്റെ ഭാര്യ പോലീസ് ഇന്സ്പെക്ടര് ആണ്. ഇവരുടെ യൂണിഫോം മോഷ്ടിച്ച് ഇയാള് കാമുകിക്ക് നല്കുകയായിരുന്നു. പിന്നീട് ഇരുവരും ചേര്ന്ന് ആളുകളെ പറ്റിച്ച് പണം തട്ടിയെടുക്കുകയായിരുന്നു മോഷണരീതി. പ്രതികളുടെ കൈവശം ഒരു വ്യാജ പോലീസ് ഐഡി കാര്ഡുണ്ടായിരുന്നു. ഇത് പോലീസ് പിടിച്ചെടുത്തു. അറസ്റ്റിലായവരുടെ പേരുവിവരങ്ങള് പോലീസ് പ്രസിദ്ധപ്പെടുത്തിയില്ല. കേസ് രജിസ്റ്റര് ചെയ്തിട്ടുണ്ടെന്നും അന്വേഷണം പുരോഗമിക്കുകയാണെന്നുമാണ് പോലീസ് പറയുന്നത്.
(തിരുത്ത്: ഈ ലേഖനത്തില് നല്കിയിരുന്ന ഫോട്ടോ ഒരു വാര്ത്താ ഏജന്സിയുടെ പ്രതീകാത്മക ചിത്രമായിരുന്നു. ഇതില് മധ്യപ്രദേശ് പോലീസ് അല്ല മറിച്ച് കേരള പോലീസ് ഉദ്യോഗസ്ഥരെയാണ് കാണിച്ചിരുന്നത്. ഈ ചിത്രം ഉപയോഗിച്ച സാഹചര്യം തെറ്റാണെന്ന് വായനക്കാര് ചൂണ്ടിക്കാണിച്ചിരുന്നു. ഈ പിഴവ് മനസ്സിലാക്കി തിരുത്തുകയാണ്. നിര്വ്യാജം ഖേദം രേഖപ്പെടുത്തുന്നു. വായനക്കാര്ക്ക് നന്ദി.)
(തിരുത്ത്: ഈ ലേഖനത്തില് നല്കിയിരുന്ന ഫോട്ടോ ഒരു വാര്ത്താ ഏജന്സിയുടെ പ്രതീകാത്മക ചിത്രമായിരുന്നു. ഇതില് മധ്യപ്രദേശ് പോലീസ് അല്ല മറിച്ച് കേരള പോലീസ് ഉദ്യോഗസ്ഥരെയാണ് കാണിച്ചിരുന്നത്. ഈ ചിത്രം ഉപയോഗിച്ച സാഹചര്യം തെറ്റാണെന്ന് വായനക്കാര് ചൂണ്ടിക്കാണിച്ചിരുന്നു. ഈ പിഴവ് മനസ്സിലാക്കി തിരുത്തുകയാണ്. നിര്വ്യാജം ഖേദം രേഖപ്പെടുത്തുന്നു. വായനക്കാര്ക്ക് നന്ദി.)