അനുസരണക്കേടിന് പുതിയ ശിക്ഷ ; വേപ്പില സത്ത്

സൂരത്: സൂരത്തിലെ വിദ്യാ കുഞ്ച് സ്‍കൂളില്‍ അനുസരണക്കേട് കാണിക്കുന്ന കുട്ടികൾക്ക് പുതിയ രീതിയിലുള്ള ശിക്ഷ നടപ്പാക്കി ശ്രദ്ധ നേടിയിരിക്കുകയാണ് സ്കൂള്‍ അധികൃതര്‍. നല്ല കയ്പ്പുള്ള വേപ്പില സത്താണ് ഇവർക്ക് കുടിക്കാൻ സ്‌കൂളിലെ പ്രധാനാധ്യാപകൻ നൽകുന്നത്

ആരോഗ്യത്തിനു ഏറ്റവും ഉത്തമമായ വേപ്പില സത്യത്തിന്‍റെ കയ്പ്പ് രുചി ഓർത്ത് പലരും ഇനി തെറ്റ് ആവർത്തിക്കില്ലെന്ന് എറ്റു പറഞ്ഞു. കയ്പ്പ് കുറക്കാനായി സത്തില്‍ വെള്ളം കൂടി ചേര്‍ത്താണ് നല്‍കുന്നതെന്ന് പ്രധാനാധ്യാപകന്‍ മഹേഷ് പട്ടേല്‍ പറഞ്ഞു. ഒരു ഗ്ളാസ് വേപ്പില സത്താണ് ഇവര്‍ കുട്ടികള്‍ക്ക് നല്‍കുന്നത്. അതു മുഴുവന്‍ ഒറ്റ വലിക്ക് കുടിക്കുക എന്നതാണ് കുട്ടികള്‍ക്ക് നല്‍കുന്ന ശിക്ഷ.

വേപ്പില സത്ത് കാൻസർ പോലുള്ള രോഗങ്ങളെ തടയുമെന്നും താൻ എല്ലാ ദിവസവും ഇത് കുടിക്കാറുണ്ടെന്നും മഹേഷ് പട്ടേൽ പറഞ്ഞു. ഏറ്റവും ആരോഗ്യദായകമായ ശിക്ഷ നടപടിയാണ് ഇതെന്നും അദ്ദേഹം സൂചിപ്പിച്ചു. തന്‍റെ മകൻ വേപ്പില സത്ത് കുടിക്കുന്നത് പേടിച്ച് എല്ലാ ദിവസവും കൃത്യമായി ഹോം വർക് ചെയ്യാറുണ്ടെന്ന് സ്‌കൂളിലെ ഒരു വിദ്യാർത്ഥിയുടെ അമ്മ പറഞ്ഞു.