കോഴിയെ പോലെ മുട്ടയിടുന്ന 14 കാരൻ കൗതുകമാകുന്നു!!!

കോഴിയെ പോലെ മുട്ടയിടുന്ന 14 കാരനാണ് ഇപ്പോൾ വാർത്തകളിൽ ഇടംതേടിയിരിക്കുന്നത്. രണ്ടുവർഷത്തിനുള്ളിൽ രണ്ട് ഡസനോളം മുട്ടകൾ ഇട്ടു എന്ന വാദവുമായാണ് കുട്ടി രംഗത്ത് എത്തിയത്. ഇന്തോനേഷ്യയിലാണ് അവിശ്വസനീയമായ സംഭവം നടന്നിരിക്കുന്നത്. പ്രമുഖ ബ്രിട്ടീഷ് മാധ്യമമാണ് ഈ വാർത്ത പുറത്തുവിട്ടത്.

തനിക്ക് ഒരു പ്രത്യേക കഴിവുണ്ടെന്ന വാദവുമായി അക്മൽ ആശുപത്രിയിൽ എത്തുകയായിരുന്നു. പക്ഷികളെ പോലെ തനിക്ക് മുട്ടയിടാൻ കഴിയുമെന്ന് അക്മൽ ഡോക്ടർമാരെ ബോധിപ്പിച്ചു. എന്നാൽ മനുഷ്യർ പക്ഷികളെ പോലെ മുട്ടയിടാറില്ല എന്നു പറഞ്ഞ് ഡോക്ടർമാർ ഇക്കാര്യം തള്ളികളഞ്ഞു. മകൻ പറയുന്നത് കള്ളമല്ല, അവൻ രണ്ട് വർഷത്തിനുള്ളിൽ രണ്ട് ഡസനോളം മുട്ടകൾ ഇട്ടുവെന്ന് അക്മലിന്‍റെ പിതാവും തറപ്പിച്ച് പറഞ്ഞു.



സംശയം തോന്നിയ ഡോക്ടർമാർ കുട്ടിയെ എക്സ്റേയ്ക്ക് വിധേയമാക്കി. എക്സ്റേയിൽ കുട്ടിയുടെ മലാശയത്തിൽ മുട്ടയുള്ളതായി കണ്ടെത്തി. ഒന്ന് അമ്പരന്നെങ്കിലും ഇക്കാര്യം യാതൊരു തരത്തിലും അംഗീകരിക്കാൻ ​ ഡോക്ടർമാർ തയ്യാറായില്ല. കുട്ടി മുട്ട വിഴുങ്ങിയതോ, മലദ്വാരത്തിൽ കയറ്റി വച്ചതോ ആകാമെന്ന വാദമാണ് ഡോക്ടമാർ ഉന്നയിക്കുന്നത്. അക്മൽ ഇപ്പോൾ ഡോക്ടർമാരുടെ നിരീക്ഷണത്തിലാണ്.