മഴവില്ലഴകണി‌ഞ്ഞ വീടുകളുള്ള ഗ്രാമം !!!

ന്യൂഡല്‍ഹി: ഒരു ഗ്രാമത്തിലെ എല്ലാ വീടുകള്‍ക്കും നിറം മഴവില്ലിന്റേത്. ഇന്‍ഡോനേഷ്യയിലെ കംപൂങ് പെലാംഗി ഗ്രാമത്തിലാണ് നിറഭേദംകൊണ്ട് സുന്ദരമായ ഈ കാഴ്ച. റെയിന്‍ബോ ഗ്രാമം എന്നാണ് ഈ ഗ്രാമത്തിന് പേര്.

വിനോദസഞ്ചാരികളെ ആകര്‍ഷിക്കാനുള്ള ശ്രമത്തിന്റെ ഭാഗമായിട്ടാണ് ഈ വേറിട്ട പരീക്ഷണം നടത്തിയത്. ഇതിനായി ഗ്രാമത്തിലെ സിറ്റി കൗണ്‍സില്‍ 30 കോടി ഇന്‍ഡോനേഷ്യന്‍ രൂപയാണ്(ഏകദേശം 14 ലക്ഷം ഇന്ത്യ രൂപ) അനുവദിച്ചത്. ഒറ്റമാസം കൊണ്ടാണ് ഗ്രാമത്തിലെ എല്ലാ കെട്ടിടങ്ങളും ഒരേ നിറകാഴ്ചയിലേക്ക് മാറിയത്.
സംഭവം സോഷ്യല്‍മീഡിയയില്‍ വൈറലായതോടെ ടൂറിസ്റ്റുകളുടെ ഒഴുക്കും കൂടി. ഹൈസ്കൂള്‍ പ്രിന്‍സിപ്പലായ സ്ലാമെറ്റ് വിഡോഡോയുടെ ബുദ്ധിയില്‍ ഉദിച്ചതാണ് ഈ ആശയം.



ഏകദേശം 232 വീടുകള്‍ക്കാണ് പെയിന്റടിച്ചത്. ഓരോ വീടിനും കുറഞ്ഞത് മൂന്നുനിറം വീതം ഉപയോഗിച്ചിട്ടുണ്ട്. വീടുകള്‍, മതിലുകള്‍, മേല്‍ക്കൂരകള്‍, പാലങ്ങള്‍, പടികള്‍ എന്നിങ്ങനെ എല്ലാത്തിനും നിറം നല്‍കിയിട്ടുണ്ട്.


Rainbow village in Indonesia a social media hit
Kampung Pelangi: Indonesia's Rainbow Painted Village