'എന്‍റെ ജീവിതം ഈ രണ്ടാഴ്ചത്തേയ്ക്കു വേണ്ടിയായിരുന്നു'

''ഒരു ജീവിതം മുഴുവന്‍ ഞാന്‍ തയ്യാറെടുത്തത് ഈ രണ്ടാഴ്ചത്തേയ്ക്കു വേണ്ടിയായിരുന്നു''... അതിസാഹസികമായ തായ്‍ലൻഡിലെ ഗുഹയിലെ രക്ഷാപ്രവർത്തനത്തിന് നേതൃത്വം നൽകിയ ജോൺ വൊളാന്തൻ ഗുഹയിൽ കുടുങ്ങിയ 13 പേരേയും രക്ഷപ്പെടുത്തിയ ശേഷം പറഞ്ഞ വാക്കുകളാണിത്. അതിസാഹസിക രക്ഷാപ്രവർത്തകരിൽ ഏറെ പേരുകേട്ടവരാണ് ജോണ്‍ വൊളാന്തന്‍, റിച്ചാര്‍ഡ് സ്റ്റാന്‍റന്‍ എന്നീ രണ്ടുപേർ. ഇവരായിരുന്നു രണ്ടാഴ്ചയോളം നീണ്ടു നിന്ന തായ്‍ലൻഡ് ഗുഹയിലെ രക്ഷാപ്രവർത്തിനത്തിന് നേതൃത്വം നൽകിയവർ.

നാളുകള്‍ക്ക് മുമ്പ് മെക്സിക്കോയിലെ ഒരു ഗുഹയില്‍ അകപ്പെട്ട 6 ബ്രിട്ടീഷ് സൈനികരെ രക്ഷപ്പെടുത്തിയിട്ടുമുണ്ടിവർ. ഇവരുടെ ഡൈവിംഗ് ജീവിതത്തെ കുറിച്ച് ഇൻ ടു ദ ഡാർകനെസ്സ് എന്നപേരിൽ 2011 ല്‍ തയ്യാറാക്കിയ ഒരു ഡോക്യുമെന്‍ററി യൂട്യൂബിൽ ഇപ്പോള്‍ നിരവധിപേർ തിരയന്നുമുണ്ട്. ഇത്തരത്തിലൊരു ജോലി സ്വീകരിച്ചതെന്തെന്ന് ഇവരോട് ചോദിച്ച മാധ്യമപ്രവർത്തകരോട് ജോണിന് പറയാനുണ്ടായിരുന്നത് ഇത്രമാത്രമായിരുന്നു. ''ഡൈവ് ചെയ്യുന്നത് എന്‍റെ അഭിനിവേശമാണ്, അത് ഒരു പ്രത്യേക ഉദ്ദേശത്തിനുവേണ്ടിയാകുമ്പോള്‍ അത്ഭുതംകൂറാറുണ്ട്. എന്‍റെ ജീവിതം മുഴുവൻ ഞാൻ തയ്യാറെടുത്തത് ഈ രണ്ടാഴ്ചത്തേക്കു വേണ്ടിയായിരുന്നു''....!!!