പുലിമുരുകനെ കളിയാക്കി കസബയുടെ നിര്‍മാതാവ്

മോഹന്‍ലാല്‍ ചിത്രം പുലിമുരുകനെ കളിയാക്കി മമ്മൂട്ടി ചിത്രത്തിന്റെ നിര്‍മ്മാതാവ് രംഗത്ത്. 'കുറേ തള്ളും അതിലേറെ കോപ്പിയടിയും ചേര്‍ന്നാല്‍ ഒരു ലാല്‍ മുവീ ആയി' എന്ന അടിക്കുറിപ്പ് നല്‍കി പോസ്റ്റ് ഷെയര്‍ ചെയ്യുകയും ചെയ്തിരിക്കുകയാണ് നിര്‍മ്മാതാവ് ജോബി ജോര്‍ജ്. കുറെ തള്ളും അതിലേറെ കോപ്പയടി കൂടി ചേര്‍ത്താല്‍ ഒരു ലാല്‍ മൂവിയാകുമെന്ന ക്യാപ്ഷനോടെയുള്ള വീഡിയോ ജോബി ജോര്‍ജ് ഷെയര്‍ ചെയ്തതാണ് ഇപ്പോള്‍ വിവാദമായിരിക്കുന്നത്.

പുലിമുരുകന്‍ എന്ന സിനിമയിലെ 'മുരുകാ മുരുകാ പുലിമുരുകാ' എന്ന തീം സോംഗ് ഉഡുരാജമുഖി എന്ന ഭക്തിഗാനത്തിന്റെ കോപ്പിയടിയാണെന്ന് സോഷ്യല്‍ മീഡിയയില്‍ ആരോപണം ഉയര്‍ന്നിരുന്നു. ഇതിന്റെ പശ്ചാത്തലത്തില്‍ റോക്ക് ആന്‍ റോള്‍ എന്ന ചിത്രത്തില്‍ ഹിറ്റ് ഗാനം കോപ്പിയടിച്ച്‌ പാട്ടുണ്ടാക്കുന്ന രംഗം ഉപയോഗിച്ച്‌ സൃഷ്ടിച്ച ട്രോള്‍ വീഡിയോയും ജോബി ഷെയര്‍ ചെയ്തിട്ടുണ്ട്. ഇതെല്ലാം തമാശയായി പരിഗണിക്കണമെന്നും നിര്‍മ്മാതാവ് കമന്റിന് മറുപടിയായി പറയുന്നുണ്ട്.