കാശ്മീരിലെ ആദ്യ മുസ്ലിം വനിതാ പൈലറ്റായി ഈ സുന്ദരി

മുപ്പതുകാരിയായ ഇറാം ഹബീബിനിത് സ്വപ്നസാഫല്യത്തിന്‍റെ നിമിഷം. കശ്മീരിലെ ആദ്യ വനിതാ മുസ്‌ലിം പൈലറ്റ്‌ ആവാന്‍ ഒരുങ്ങുകയാണ് ഈ സുന്ദരി. അടുത്ത മാസം മുതല്‍ ഇന്‍ഡിഗോയിലാണ് ഇറോം വിമാനം പറത്തുക.

തന്‍റെ ബാല്യകാലം മുതല്‍ക്കുള്ള സ്വപ്നമാണ് ഇപ്പോള്‍ പൂവണിയാന്‍ പോകുന്നതെന്ന് ഇറാം പറയുന്നു. ഫോറസ്ട്രിയില്‍ ഡോക്ടറേറ്റ് നേടിയ ശേഷമാണ് ഈ പെണ്‍കുട്ടി ആകാശത്ത് പറന്നുയരുന്നത്. യു.എസിലെ മിയാമിയില്‍ വച്ചായിരുന്നു ഇറാം തന്‍റെ പരിശീലനം പൂര്‍ത്തിയാക്കിയത്.

2016ലാണ് ജമ്മു കാശ്മീരില്‍ നിന്നൊരു പെണ്‍കുട്ടി ആദ്യമായി പൈലറ്റാവുന്നത്. കശ്മീരി പണ്ഡിറ്റ്‌ വിഭാഗത്തില്‍ നിന്നും തന്‍വി റെയ്ന എന്ന പെണ്‍കുട്ടിയാണ് കശ്മീര്‍ താഴ്വരയിലെ ആദ്യ വനിതാ പൈലറ്റ്‌. കഴിഞ്ഞ വര്‍ഷം ഏപ്രിലില്‍ 21 കാരിയായ അയേഷ അസീസ്‌ ഇന്ത്യയിലെ ഏറ്റവും പ്രായം കുറഞ്ഞ വിദ്യാര്‍ഥി പൈലറ്റ്‌ ആയിരുന്നു.

ഒരു സാധാരണ മുസ്ലിം കുടുംബത്തില്‍ ജനിച്ചു വളര്‍ന്ന പെണ്‍കുട്ടിയാണ് ഇറാമും. സര്‍ക്കാര്‍ ആശുപത്രികളില്‍ സര്‍ജിക്കല്‍ ഉപകരണങ്ങള്‍ വിതരണം ചെയ്യുന്ന ആളായിരുന്നു പിതാവ്. ഇപ്പോള്‍ ഡല്‍ഹിയില്‍ വാണിജ്യ പൈലറ്റ് ലൈസന്‍സിനുള്ള ശ്രമത്തിലാണ് ഇറാം.