പള്ളി വികാരി ഷാജി പാപ്പനായി ഫ്ളാഷ് മോബില്‍

പള്ളിയുടെ ശതാബ്ദി ആഘോഷങ്ങളുടെ ഭാഗമായി സംഘടിപ്പിച്ച ഫ്ളാഷ് മോബില്‍ പള്ളി വികാരി ഷാജി പാപ്പനായി ഡാൻസ് ചെയ്യുന്ന വിഡിയോ വൈറലായി. മാറിക സെന്റ് ആന്റണീസ് പള്ളിയിലാണ് അച്ചന്‍ യുവതീയുവാക്കള്‍ക്കൊപ്പം തകര്‍ത്താടിയത്. കറുത്ത ഗ്ലാസും കറുത്ത ഷര്‍ട്ടും ചുവപ്പ് മുണ്ടും ധരിച്ച്‌ അടിച്ചു പൊളിച്ചു. പാപ്പന്റെ ഗെറ്റപ്പില്‍ എത്തിയ ഫാദര്‍ വിന്‍സണ്‍ കുരുട്ടുപറമ്ബില്‍ വിശ്വാസികളെ അക്ഷരാര്‍ത്ഥത്തില്‍ ഞെട്ടിച്ചു.

നൂറോളം യുവതീയുവാക്കള്‍ അണിനിരന്ന ഫല്‍ഷ് മോബിന് അച്ചന്‍ തന്നെ മുന്‍നിരയില്‍ നിന്ന് നേതൃത്വം നല്‍കി. ആഘോഷത്തിന്റെ ഭാഗമായി ശതാബ്ദി സ്മാരകവും ഇന്‍ഡോര്‍ സ്റ്റേഡിയുവും നിര്‍മ്മിക്കും. വഴിത്തല മാറിക റൂട്ടില്‍ 100 തണല്‍ മരങ്ങള്‍ വച്ചുപിടിപ്പിക്കാനും ഇടവക തീരുമാനിച്ചു. /div>