കേരള പൊലീസിൻ്റെ ‘വൈറല്‍’ വൈറലാകുന്നു

കേരള പോലീസ് ഒരുക്കിയ ഹ്രസ്വചിത്രം ‘വൈറല്‍’ വൈറലാകുന്നു. കേരള പൊലീസ് സോഷ്യല്‍ മീഡിയാ വിഭാഗത്തിലെ പൊലീസ് ഉദ്യോഗസ്ഥനായ അരുണ്‍ ബി.ടിയാണ് ഹ്രസ്വചിത്രത്തിന് രചനയും സംവിധാനവും നിര്‍വഹിച്ചിരിക്കുന്നത്. സമൂഹ മാധ്യമങ്ങള്‍ക്ക് പിന്നില്‍ ഒളിഞ്ഞിരിക്കുന്ന ചതിക്കുഴികളെ ചിത്രം തുറന്നുകാട്ടുന്നുണ്ട്. ഇതെക്കുറിച്ച് കൃത്യമായ ബോധവല്‍ക്കരണം നടത്താനാണ് ഹ്രസ്വ ചിത്രം പുറത്തിറക്കിയിരിക്കുന്നത്. 'തീരുമാനം നിങ്ങളുടേതാണ്'എന്ന ടാഗോടെയാണ് ചിത്രം എത്തിയിരിക്കുന്നത്.

സോഷ്യല്‍ മീഡിയയിലെ കേരള പോലീസിൻ്റെ ഫെയ്‌സ് ബുക്ക് പേജുകളിലൂടെയാണ് ഹ്രസ്വചിത്രം പുറത്ത് വിട്ടിരിക്കുന്നത്. ശ്രദ്ധ ബാബുവാണ് ഹ്രസ്വചിത്രത്തിൽ അഭിനയിച്ചിരിക്കുന്നത്. അവസാന രംഗത്തിൽ നടൻ പൃഥ്വിരാജും ചിത്രത്തിലെത്തുന്നുണ്ട്. പോലീസിൻ്റെ ട്രോൾ പോലെ തന്നെ വൻ സ്വീകാര്യതയാണ് ഹ്രസ്വചിത്രത്തിനും ലഭിച്ചു വരുന്നത്.