ചുവടുതെറ്റിയ കുഞ്ഞിന് കൈത്താങ്ങാകാൻ നവവധു; വീഡിയോ വൈറൽ

ഇപ്പോൾ സമൂഹ മാധ്യമങ്ങളിൽ വൈറലാകുന്ന വീഡിയോ പലരും ശ്രദ്ധിച്ചിട്ടുണ്ടാകും . വേദിയിൽ ഇരിക്കുന്ന നവദമ്പതികൾ. അവിടേക്ക് ഓടി വരുന്ന കുഞ്ഞ്. ചുവടുതെറ്റി വീഴാൻ ആയുന്നു. വീഴാൻ തുടങ്ങുന്ന കുഞ്ഞിനെ എഴുന്നേൽപിക്കാൻ മണ്ഡപത്തിലെ കസേരയിൽ നിന്ന് വധു ചാടി എഴുന്നേൽക്കുകയാണ്. ഈ വീഡിയോ ആണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്.

'ദൈവത്തിൻ്റെ കൈകൾ എന്നൊക്കെ പറയുന്നത് ഇതാണ്' എന്ന തലക്കെട്ടോടെയാണ് വീഡിയോ പരക്കുന്നത്. കുഞ്ഞ് വീഴുന്നത് വിവാഹ മണ്ഡപം അലങ്കരിച്ച പൂക്കൾക്കു മുന്നിലേക്കാണ്. കുഞ്ഞിന് ഒന്നും സംഭവിച്ചിട്ടില്ലെങ്കിലും കുഞ്ഞിന് എന്തെങ്കിലും സംഭവിച്ചോ എന്ന മട്ടിൽ മണവാട്ടിയുടെ മുഖം മാറുന്നുമുണ്ട്. അത് വീഡിയോയിൽ വ്യക്തമായി കാണാൻ സാധിക്കും.

പൊടുന്നനെയാണ് ആ രക്ഷാ കരങ്ങൾ എത്തിയത്. സ്റ്റേജിൽ നിന്നും മുഖം കുത്തി വീഴാമായിരുന്ന ബാലികയെ ഞൊടിയിടയുടെ വ്യത്യാസത്തിലാണ് പോറൽ പോലുമേൽക്കാതെ രക്ഷിക്കാനായത്. ഒടുവിൽ ആശ്വാസത്തിൻ്റെ ദീർഘ നിശ്വാസം. ആശങ്ക ചിരിക്ക് വഴിമാറി


എവിടെ നടന്ന സംഭവമാണെന്നോ ആരൊക്കെയാണ് വീഡിയോയിലുള്ളതെന്നോ വ്യക്തമല്ല. വിവാഹത്തിനെത്തിയ ആരെങ്കിലുമാകാം വീഡിയോ പകര്‍ത്തി സോഷ്യൽ മീഡിയയിൽ ഇട്ടത്. ഇത്രയൊക്കെ നടന്നിട്ടും കല്യാണച്ചെക്കൻ അനങ്ങിയില്ലല്ലോ എന്ന കമൻ്റും പലരും ചോദിക്കുന്നുണ്ട്.