'ലിറ്റിൽ മിസ് പ്രിൻസസ് 2016' ആയി കൊച്ചിക്കാരി ബെതൂൽ

ഇത് ബെതൂൽ അജ്മൽ പുളിമൂട്ടിൽ. ഏഷ്യയിലെ ഈ വ‍ർഷത്തെ ലിറ്റിൽ മിസ് പ്രിൻസസായിതീർന്നകൊച്ചിക്കാരി. ജോ‍‍ര്‍ജിയയിൽ നടന്ന മത്സരത്തിലാണ് ബെതൂൽ കിരീടമണിഞ്ഞത്. 27 രാജ്യങ്ങളിൽ നിന്നുള്ള 29 മത്സരാ‍ർത്ഥികളെ പിന്തള്ളിയാണ് പുരസ്കാരം നേടിയത്. 10-13 വയസ്സുകാര്‍ക്കിടയിൽ നടന്നതായിരുന്നു മത്സരം.

അതോടൊപ്പം യങ് ടാലന്‍റ്, യങ് മിസ് യൂണിവേഴ്സ് ഗ്രാൻഡ് പ്രിക്സ് പുരസ്കാരവും മത്സരത്തിൽ ബെതൂൽ നേടി. ജൂൺ 5നാണ് ജോർജിയയിൽ മത്സരം നടന്നത്. ആദ്യ റൗണ്ടിൽ 400 മത്സരാര്‍ത്ഥികളിൽ നിന്നുമാണ് 29 പേർ തിരഞ്ഞെടുക്കപ്പെട്ടത്. അതിൽ നിന്നും അവസാന 6 പേരുടെ പട്ടികയിൽ ബെതൂൽ എത്തുകയായിരുന്നു. അവരിൽ നിന്നാണ് ഒന്നാമതെത്തിയത്. ദ കിംഗ്ഡം ഓഫ് യൂണിവേഴ്സൽ പ്രൊഡക്ഷനാണ് മത്സരം സംഘടിപ്പിച്ചത്.