കൊച്ചി മെട്രോ ഉദ്ഘാടന വേദി: മോദിക്ക് മേൽ ട്രോൾമഴ

കൊച്ചി മെട്രോയുടെ ഉദ്ഘാടന ചടങ്ങിലെ വേദിയിൽ നിന്നു ഇ. ശ്രീധരനെ ഒഴിവാക്കിയതായി അറിയിച്ചതിന് പിന്നാലെ കേന്ദ്ര സർക്കാറിനെതിരെ സാമൂഹ്യ മാധ്യമങ്ങളിലൊന്നടങ്കം വ്യാപക പ്രതിഷേധമാണ് ഉയരുന്നത്. കേന്ദ്രസർക്കാരിനെ വിമർശിച്ച് നിരവധി ട്രോളുകളാണ് വന്നുകൊണ്ടിരിക്കുന്നത്. ചലച്ചിത്രങ്ങളിലെ രസകരമായ കോമഡി രംഗങ്ങളുടെ സ്ക്രീൻ ഷോട്ട് ഉൾപ്പെടുത്തി സമകാലിക വിഷയങ്ങളെ സരസമായി അവതരിപ്പിക്കുന്ന ട്രോളുകൾക്ക് ഇന്ന് സാമൂഹ്യ മാധ്യമങ്ങളില്‍ കിട്ടുന്ന സ്വീകാര്യത വളരെ വലുതാണ്. അത്തരത്തില‍്‍‍ കൊച്ചി മെട്രോ ഉദ്ഘാടനച്ചടങ്ങിനെ ബന്ധപ്പെടുത്തി അവതരിപ്പിച്ചിരിക്കുന്ന ട്രോളുകൾ സാമൂഹ്യ മാധ്യമങ്ങളിൽ പരക്കുകയാണ്.



വേദിയില്‍ ഇരിക്കേണ്ടവരില്‍ നിന്ന് പ്രധാനമന്ത്രിയുടെ ഓഫീസാണ് ഇ ശ്രീധരനെ ഒഴിവാക്കിയത്. സുരക്ഷാ പ്രശ്നങ്ങൾ ചൂണ്ടിക്കാട്ടിയാണ് വേദിയിലിരിക്കേണ്ടവരുടെ എണ്ണം കുറച്ചതെന്നാണ് ഇക്കാര്യത്തില്‍ പ്രധാനമന്ത്രിയുടെ ഓഫീസ് ചൂണ്ടിക്കാട്ടുന്ന കാരണം. കൊച്ചി മെട്രോ സഫലമായതിന് പിന്നില്‍ ശ്രീധരൻ വഹിച്ച പങ്ക് അതുല്യമാണ്. അതു മറന്നുകൊണ്ടാണ് ഈ ഒഴിവാക്കല്‍.














Kochi Metro Inauguration controversy: Trolls goes viral

Trolls goes viral on E Sreedharan's avoidance from the stage of Kochi metro inauguration issue