ആരാധികയുടെ കൈയൊടിച്ച മെസ്സിയുടെ ഇടങ്കാലൻ ഷോട്ട്

ബാഴ്‌സലോണ: ലക്ഷ്യം തെറ്റിയ മെസ്സിയുടെ ഒരു ഷോട്ട് ഗ്യാലറിയില്‍ ഇരുന്ന റയല്‍ മാഡ്രിഡ് ആരാധികയുടെ കൈയൊടിച്ച വാര്‍ത്തയാണ് ഫുട്ബോള് ലോകത്ത് ഇപ്പോൾ വൈറലാകുന്നത്‌. വിയ്യറയലിന്റെ ഹോംഗ്രൗണ്ടില്‍ സമനില വഴങ്ങിയ ബാഴ്‌സലോണ-വിയ്യറയല്‍ മത്സരത്തിനിടെയാണ് അപ്രതീക്ഷിത സംഭവമുണ്ടായത്.

കാണികളെ ആകാംക്ഷയുടെ മുള്‍മുനയില്‍ നിര്‍ത്തിയ മത്സരത്തിന്റെ പതിനഞ്ചാം മിനിട്ടില്‍ മെസ്സി തൊടുത്തുവിട്ട ഇടങ്കാലന്‍ ഷോട്ട് ലക്ഷ്യം തെറ്റി പതിച്ചത് പോസ്റ്റിന് തൊട്ടു പിന്നിലെ ഗ്യാലറിയിലിരുന്ന റാക്വല്‍ എന്ന റയല്‍ ആരാധികയുടെ കൈയിലേക്കായിരുന്നു. വലതുകൈയുടെ എല്ല് പൊട്ടിയ റാക്വലിന് മത്സരത്തിന്റെ സംഘാടകര്‍ തന്നെ പ്രഥമചികിത്സ നല്‍കി.