മഹിറാ ഖാന്‍ ഇന്ത്യയെ തള്ളിപ്പറയുന്ന വീഡിയോ വൈറല്‍ ആകുന്നു

മുംബൈ: ഷാരൂഖ് ഖാന്‍ നായകനായ റയീസ് അടുത്ത മാസം റിലീസ് ആകാനിരിക്കെ ചിത്രത്തിലെ നായികയും പാക്കിസ്ഥാനിലെ ടെലിവിഷന്‍ അവതാരകയുമായ മഹിറാ ഖാന്‍ ഇന്ത്യയെ തള്ളിപ്പറയുന്ന വീഡിയോ വൈറലാകുന്നു. 2011ല്‍ ഒരു ചാനലിനു നല്‍കിയ അഭിമുഖത്തിന്‍റെ ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ തരംഗമായിക്കൊണ്ടിരിക്കുന്നത്.

ഹാസ്യതാരം ഒമര്‍ ഷരീഫുമായുള്ള അഭിമുഖത്തിലാണ് മഹിറ ഇന്ത്യയെ തള്ളിപ്പറഞ്ഞത്. "നമ്മള്‍ ഒരിക്കലും ഇന്ത്യയില്‍നിന്ന് പ്രചോദനം ഉള്‍ക്കൊള്ളാന്‍ പാടില്ല. നമ്മള്‍ ബോളിവുഡ് അല്ല," എന്നാണ് മഹിറ അഭിമുഖത്തില്‍ പറയുന്നത്.

ഇന്ത്യയും പാക്കിസ്ഥാനും തമ്മിലുള്ള തര്‍ക്കം മൂര്‍ച്ഛിച്ചതിനെത്തുടര്‍ന്ന് ബോളിവുഡിലെ പാക്ക് താരങ്ങള്‍ക്കെതിരായ വികാരം ശക്തമായിരുന്നു. മഹാരാഷ്ട്ര നവനിര്‍മാണ്‍ സേന പാക്ക് താരങ്ങള്‍ക്കെതിരെ ശക്തമായ നിലപാടാണ് എടുത്തത്. പാര്‍ട്ടിയുടെ ഭാഗത്തുനിന്ന് എതിര്‍പ്പുകള്‍ ഉണ്ടാവാനുള്ള സാധ്യത കണക്കിലെടുത്ത് ഷാരൂഖ് ഈ മാസം ആദ്യം പാര്‍ട്ടി നേതാവ് രാജ് താക്കറെയെ സന്ദര്‍ശിക്കുകയും റയീസിന്‍റെ പ്രചരണത്തിന് മഹിറ പങ്കെടുക്കില്ല എന്ന് അറിയിക്കുകയും ചെയ്തിരുന്നു.



A video clip of Pakistani actress Mahira Khan snubbing India and Bollywood is going viral on social media.