മലയാളിക്ക് വിഷയം പെണ്ണാണ്; തുറന്നടിച്ച് മാല പാ‍ർവതി

എകെ ശശീന്ദ്രൻെറ വിവാദത്തിൽ ശക്തമായ വിമ‍ർശനവുമായി നടിയും സാമൂഹ്യ പ്രവ‍ർത്തകയുമായ മാലപാ‍‍ർവതി. മലയാളിക്ക് വിഷയം പെണ്ണാണ് . ആ അറിവാണ് ഈ കച്ചവടക്കാരുടെ ബലമെന്ന് പാ‍ർവതി തുറന്നടിക്കുന്നു.


"പ്രണയമാണ് എന്ന് പറഞ്ഞ് ഒരു വർഷത്തോളം ഫോൺ വിളിച്ചും നേരിൽ കണ്ടും വിശ്വസിപ്പിച്ചതിന് ശേഷം ആ ഫോൺ സംഭാഷണം റെക്കോർഡ് ചെയ്ത് സംപ്രേക്ഷണം ചെയ്താൽ കേരളത്തിലെ സദാചാര കുതുകികൾ എല്ലാവരും ചേർന്ന് ആ ഫോൺ സംഭാഷണത്തിൽ കുടുങ്ങിയ ആളെ അതാരായാലും തല്ലി കൊന്നോളും എന്ന് എല്ലാവർക്കും അറിയാം. അങ്ങനെ ഇതൊരു ബിസിനസ്സ് ഫോർമുലയാക്കി മനസ്സിയാക്കി ക്കൊണ്ടാണ് പ്രസ്തുത മാദ്ധ്യമം തയ്യാറെടുപ്പുകൾ നടത്തിയത്. അങ്ങനെ ആദ്യ ഇരയായി ഒരു മന്ത്രിയെ തിരഞ്ഞെടുത്തു. ആ മന്ത്രി കസേരയ്ക്കാണെങ്കിൽ ആവശ്യക്കാരുണ്ടായിരുന്നു താനും. മന്ത്രിയെ ഒഴിവാക്കി തരാം. തന്നാൽ? ഒഴിയുന്ന മന്ത്രി കസേരയ്ക്ക് വിലയുണ്ട്. ഗുണം കിട്ടുന്നവർ വില കൊടുക്കും.കോടികൾ കൊടുക്കും. ആ കോടികൾ അഴിമതി നടത്തി തിരിച്ചും പിടിക്കും.

ഇതൊക്കെ അറിയാത്തവരല്ല മലയാളി. എങ്കിലും മലയാളിക്ക് വിഷയം പെണ്ണാണ് . ആ അറിവാണ് ഈ കച്ചവടക്കാരുടെ ബലം. അഴിമതി നടത്തിയെന്നോ, ബന്ധുക്കളെ സഹായിച്ചെന്നോ, ഭരണത്തിൽ വീഴ്ച വരുത്തിയെന്നോ, കടന്നാക്രമിച്ചെന്നോ ഒന്നുമല്ല. ഫോൺ സെക്സ് ചെയ്താണ്, സ്വയംഭോഗം ചെയ്തതാണ് ഏറ്റവും വലിയ കുറ്റം. പ്രണയമാണെന്ന് പറഞ്ഞ് പ്രോൽസാഹി പ്പിച്ച പെൺകുട്ടിയോ, എഡിറ്റോറിയൽ പോളിസിയുടെ പേരിൽ ഇത് ചെയ്യിച്ചവരോ മലയാളിയുടെ കണ്ണിൽ വലിയ കുറ്റക്കാരല്ല.

“വീണതെന്തിനാ?” എന്ന ഒറ്റ ചോദ്യത്തിൽ മലയാളി യ്ക്ക് എല്ലാത്തിനും ഉത്തരമായി . സ്ത്രീകൾ കാലാകാലങ്ങളിൽ ഈ ചോദ്യം കേട്ട് കൊണ്ടിരിക്കുന്നവരാണ്. സ്നേഹിക്കപ്പെടാനുള്ള മനുഷ്യന്റെ ആഗ്രഹത്തിൽ നിന്നും കൂടിയാണ് ഇത് സംഭവിക്കുന്നത്. കാമം മാത്രമല്ല അതുകൊണ്ടാണ് മന്ത്രിയും ഇരയാണ് എന്ന് പറയുന്നത്" - പാ‍ർവതി കുറിക്കുന്നു