മമ്മൂട്ടിയെ കണ്ടപ്പോൾ ഹൃദയം നിലച്ചുപോയെന്ന് വിനീത്

കൊച്ചി: മമ്മൂട്ടി തന്റെ സൂപ്പര്‍ ഹീറോ ആണെന്ന് കേരള ബ്ലാസ്‌റ്റേഴ്‌സ് താരം സി കെ വിനീത്. തന്റെ ഫേസ്ബുക്ക് പേജിലാണ് മമ്മൂട്ടിയുടെ കൂടെയുള്ള ചിത്രം പോസ്റ്റ് ചെയ്തതിന് ശേഷം വിനീത് ഇങ്ങനെ കുറിച്ചത്. കേരള ബ്ലാസ്റ്റേഴ്‌സിലെ മറ്റു താരങ്ങളായ മുഹമ്മദ് റാഫി, റിന്റോ ആന്റണി എന്നിവരും വിനീതിനോടൊപ്പം മമ്മൂട്ടിയെ കാണാനെത്തിയിരുന്നു. മമ്മൂട്ടി തന്റെ ആരാധനാ പുരുഷനും സൂപ്പര്‍ ഹീറോയുമാണ്. മമ്മൂട്ടിയെ കണ്ട നിമിഷം ഹൃദയം നിലയ്ക്കുന്ന അവസ്ഥയിലായിരുന്നെന്നും സി കെ വിനീത് ഫേസ്ബുക്കില്‍ കുറിച്ചു. മമ്മൂട്ടിയെ നായകനാക്കി സംവിധായകൻ രഞ്ജിത് സംവിധാനം ചെയ്യുന്ന പുത്തന്‍പണം എന്ന സിനിമയുടെ സെറ്റില്‍ വെച്ചാണ് വിനീത് മമ്മൂട്ടിയെ കണ്ടുമുട്ടിയത്.


Mammootty is My superhero! My idol : says ck vineeth