ആർക്കും മരംകയറാം എന്നാൽ ഈ തലതിരിഞ്ഞുള്ള കയറ്റം ?

സാധാരണയുള്ള മരകയറ്റമാണെങ്കിൽ ആരും നോക്കിയെന്ന് വരില്ല എന്നാൽ തലതിരിഞ്ഞുള്ള കയറ്റമാണെങ്കിലോ അങ്ങനെയുള്ള ഒരു മരം കേറലാണിവിടെ തരംഗമാവുന്നത്. ഹരിയാനക്കാരനായ മുകേഷ് കുമാറാണ് തലതിരിഞ്ഞുള്ള മരം കയറ്റത്തിൽ വൈദഗ്ദ്ധ്യം നേടിയിരിക്കുന്നത്. തലതിരിഞ്ഞ് നിന്നുള്ള ഈ മുപ്പത്തിയെട്ടുക്കാരന്‍റെ മരംകേറ്റം കണ്ടാൽ ആരുമൊന്ന് മൂക്കത്ത് കൈവച്ച് പോകും.



പതിമൂന്നാം വയസിൽ തുടങ്ങിയതാണത്രെ ഈ തലതിരിഞ്ഞുള്ള കയറ്റം. ആളുകളെ ആശ്ചരിയപ്പെടുത്താനായിരുന്നു ഇങ്ങനെ മരം കേറി തുടങ്ങിയതെന്നാണ് മുകേഷ് പറയുന്നത്. നിരവധി തവണ വീണുപരിക്കേറ്റിട്ടുണ്ടെങ്കിലും പരിശ്രമം ഉപോക്ഷിക്കാൻ മുകേഷ് തയ്യാറായില്ല. തുടക്കത്തിൽ രണ്ട്, മൂന്ന് അടി മാത്രമെ കയറാൻ സാധിച്ചിരുന്നുള്ളൂ. നിരന്തര പ്രയത്നമാണ് മുകേഷിനെ തലതിരിഞ്ഞുള്ള മരം കേറ്റക്കാരനാക്കിയത്.



ഇപ്പോൾ 50 അടി ഉയരമുള്ള മരം വെറും അഞ്ച് മിനിട്ടിൽ കേറാൻ കഴിയും. ഇങ്ങനെ വളരെ ചുരുങ്ങിയ സമയത്തിൽ മരം കേറി ഗിന്നസ് റെക്കൊർഡ് നേടാനുള്ള ശ്രമത്തിലാണ് മുകേഷ്.



Man Climbs Tree Backwards

Climbing trees might be a tough task for others, but this man climbs backward in five minutes.