സ്മാര്‍ട്ട് ഫോണ്‍ വിവാഹിതയായി - പ്രണയ സാഫല്യത്തില്‍ ആരോവ്

ലാസ് വെഗാസ്: ഇനിയുള്ള കാലം സ്മാര്‍ട്ട് ഫോണില്ലാതെ ജീവിക്കാന്‍ സാധിക്കില്ല എന്നു പറഞ്ഞാല്‍ സമ്മതിക്കാതെ നിവൃത്തിയില്ല. യുവതലമുറക്ക് സ്മാര്‍ട്ട് ഫോണുമായുള്ള ആത്മബന്ധം കൂടി വരുന്നതിനെ കുറിച്ച് പല പഠനങ്ങളും നടക്കുന്നുണ്ട്. എന്നാല്‍ സ്മാര്‍ട്ട് ഫോണിനെ ജീവിതപങ്കാളിയാക്കുന്നവരെ കണ്ടിട്ടുണ്ടോ?

അമേരിക്കയില്‍ നിന്നുള്ള ആരോവ് ചെര്‍വെനക്ക് എന്ന യുവാവിനെ പരിജയപ്പെടാം. തന്‍റെ സ്മാര്‍ട്ട് ഫോണുമായുള്ള അടങ്ങാത്ത ആത്മബന്ധം മൂലം ആരോവ് അതിനെ വിവാഹം ചെയ്തിരിക്കുന്നു. ലാസ് വെഗാസിലെ ഒരു കൃസ്ത്യന്‍ ദേവാലയത്തില്‍ വച്ച് നടന്ന വിവാഹം ഏതായാലും നിയമപരമായിട്ടില്ല. ആരോവിന്‍റെയും സ്മാര്‍ട്ട് ഫോണിന്‍റെയും വിവാഹ വീഡിയോ സാമൂഹ്യ മാധ്യമങ്ങളില്‍ വൈറലാവുകയാണ്.

"ഞാന്‍ എന്‍റെ ജീവിതത്തെ സ്നേഹിക്കുന്നത് എന്‍റെ ഫോണ്‍ ഉള്ളതുകൊണ്ടാണ്. ഞാല്‍ ഇതിനെ ഒരിക്കലും വിട്ടു പിരിയില്ല" - ആരോവ് പറയുന്നു.