32 കി.മീ നടന്ന് ജോലിക്കെത്തി; ജീവനക്കാരന് കാര്‍ സമ്മാനം

32 കിലോമീറ്റര്‍ നടന്ന് ഓഫീസിലെ ആദ്യ ദിവസം ജോലിക്കെത്തിയ ജീവനക്കാരന് സമ്മാനം. ഇത്രയും അധികം ദൂരം നടന്ന് ഓഫീസിലെത്തി തന്റെ ജോലിയോടുള്ള ആത്മാര്‍ത്ഥത വ്യക്തമാക്കിയതിനാണിത്. സ്വന്തം കാര്‍ ബ്രേക്ക് ഡൌണ്‍ ആയതിനാലാണ് 20 കാരനായ വാള്‍ട്ടര്‍ ഓഫീസിലേക്ക് നടക്കേണ്ടി വന്നത്. ആദ്യ ദിവസം തന്നെ ഒഴിവുകള്‍ പറഞ്ഞ് അവധിയെടുക്കാതെ കിലോമീറ്ററുകളോളം നടന്ന് അവശനായി വാള്‍ട്ടര്‍ കൃത്യസമയത്ത് എത്തുകയായിരുന്നു.


സംഭവം അറിഞ്ഞ ബോസ്, ജോലിയോടും സ്ഥാപനത്തോടും ഇത്രയേറെ കൂറ് കാട്ടിയ ജീവനക്കാരന് സമ്മാനം നൽകാൻ തീരുമാനിക്കുകയായിരുന്നു. ഇത്രയും ദൂരം നടന്നു വന്ന ജീവനക്കാരന്‍ ഒരു കാര്‍ തന്നെ വാങ്ങി നല്‍കുകയായിരുന്നു ബോസ്. ബോസ് തനിക്ക് നല്‍കിയ സമ്മാനം കണ്ട ജീവനക്കാരനും വിശ്വസിക്കാനാകാതെ വിങ്ങിപ്പൊട്ടി. സംഭവത്തിന്റെ ദൃശ്യങ്ങള്‍ സമൂഹമാധ്യമങ്ങളിൽ ശ്രദ്ധ നേടുകയാണ്.