രാധികാ ആപ്‌തേയുടെ ഷോര്‍ട്ട്ഫിലിം നീക്കി യൂട്യൂബ്

രാധികാ ആപ്‌തേയുടെ ഹിറ്റ് ഷോര്‍ട്ട് ഫിലിം 'കൃതി' യൂട്യൂബ് നീക്കം ചെയ്തു. വീഡിയോ കോപ്പിയടി ആരോപണത്തെ തുടര്‍ന്നാണ് യുട്യൂബ് നീക്കം ചെയ്തത്. രാധികാ ആപ്‌തേയും മനോജ് ബാജ്‌പേയും പ്രധാന വേഷത്തിലെത്തിയ കൃതി വൻ ഹിറ്റായിരുന്നു.

ചിത്രത്തിനെതിരെ നേപ്പാളി സംവിധായകന്‍ അനീല്‍ ന്യൂപനെയാണ് രംഗത്തെത്തിയത്. ബിഒബി എന്ന അദ്ദേഹത്തിന്റെ സിനിമയുടെ കോപ്പിയാണിതെന്ന് അദ്ദേഹം യൂട്യൂബ് അധികൃതര്‍ക്ക് പരാതി നല്‍കിയിരുന്നു. ഇതേത്തുടര്‍ന്നാണ് വീഡിയോ നീക്കം ചെയ്യുന്നതായി യൂട്യൂബ് അധികൃതര്‍ വ്യക്തമാക്കിയത്. ബോളിവുഡ് സംവിധായകന്‍ ശിരിഷ് കുന്ദെറാണ് കൃതിയുടെ സംവിധായകൻ. ദുരൂഹമായ സൈക്കോട്ടിക് ത്രില്ലറാണ് ചിത്രം.