വാനരക്കൂട്ടത്തിന് ഇക്കുറിയും ഓണസദ്യ കെങ്കേമം

ഉത്രാടസദ്യയും ഓണസദ്യയും ഉണ്ട് ശാസ്താംകോട്ട ക്ഷേത്രത്തിലെ വനരക്കൂട്ടം ഓണം കെങ്കേമമാക്കി. കാലങ്ങളായി ക്ഷേത്രത്തിലെ വാനരക്കൂട്ടത്തിന് വിഭവസമൃദ്ധമായ ഓണസദ്യ നല്‍കിവരാറുണ്ട്. ഉത്രാടദിനത്തിലും തിരുവോണത്തിനും പ്രത്യേക ഭോജനശാലയിലാണ് സദ്യ നല്‍കിയത്.

മനക്കര ശ്രീശൈലത്തില്‍ എം.വി.അരവിന്ദാക്ഷന്‍ നായരുടെ വകയായാണ് ക്ഷേത്രത്തില്‍ ഉത്രാടനാളില്‍ വാനരസദ്യ. തിരുവോണത്തിന് വിദേശമലയാളിയായ കന്നിമേലഴികത്ത് ബാലചന്ദ്രന്‍ പിള്ളയുടെ വകയാണ് ഓണസദ്യ നൽകിയത്.

പച്ചടിമുതല്‍ പായസംവരെയുള്ള വിഭവങ്ങളൊരുക്കിയാണ് ധര്‍മശാസ്താവിന്റെ ഇഷ്ടതോഴര്‍ക്ക് തൂശനിലയില്‍ സദ്യ വിളമ്പിയത്. ഇലയിടാന്‍ തുടങ്ങിയതുമുതല്‍ ഒറ്റയ്ക്കും ചെറുസംഘങ്ങളായും വാനരന്മാ‍ര്‍ ഭോജനശാലയിലേക്കെത്തി. ചിലര്‍ ഇലയ്ക്കുപിന്നിലിരുന്ന് സ്വസ്ഥമായി സദ്യയുണ്ടു. മറ്റുചിലര്‍ മറ്റുള്ളവരുടെ ഇല വലിച്ചുകൊണ്ടുപോകുന്നതും ഇലയില്‍ കൈയിട്ടുവാരുന്നതും കൗതുക കാഴ്ചയായി.

Monkeys have Onasadya at Sasthamcotta

Monkeys gets a feast at Sasthamkotta Sri Dharmashasta Temple.